Euria goizean eta ostarteak arratsaldean, San Tomas egunaz gozatzeko
San Tomas egun tradizional hau euriarekin hasiko dugu, egunaren lehen partean zerua oso hodeitsu egongo delako, baina arratsaldean hobera egingo du, ostarteak irekiz; nahiz eta lekuren batean zirimiri pixka bat egin dezakeen, Euskalmet euskal meteorogiaren aurreikuspenen arabera.
Tenperaturan ez da gorabehera handirik izango, baina gauean hoztu egingo du; izan ere, balio minimoak azken orduetan neurtuko dira. Hiriburuetan, Bilbon 8 gradu espero dira gutxienez eta 12 gehienez, Donostian 7 gutxienez eta 11 gehienez, Gasteizen 3 gutxienez eta 8 gehienez, eta Iruñean 2 gutxienez eta 8 gehienez.
Itsasoan ipar-mendebaldeko haizea ibiliko da, eta arratsaldean baretu egingo du. Itsaskirria izango da, eta arratsaldetik aurrera itsaso kizkurra. Ipar-mendebaldeko hondoko itsasoak 2-2,5 metro inguruko olatuak altxatuko ditu. Itsasgorak 09:20an eta 22:03an izango dira, eta itsasbehera 15:51ean. Uraren tenperatura 14 gradukoa da eta ikus-eremua lau eta hamar kilometro artekoa izango da.
Ostegunak hodeiak eta euria ekarriko dizkigu. Egun osoan egin dezake euria, baina bereziki egunaren lehen partean eragingo digu, arratsaldean hobekuntza nabarituko baitugu. Hego-mendebaldeko haizea ibiliko da eta tenperatura beste pixka bat igoko da: kostaldean maximoak 14-15 ºC ingurukoak izango dira, eta barnealdean 11-12 ºC ingurukoak.
Ostiralean eguraldi argia izango da nagusi, hodeiak eta ostarteak. Ateri eutsiko dio egun osoan. Goizeko lehen orduetan eta azken orduetan hodei dezente pilatuko da gure parean, baina eguerdi partean ostarte zabalak irekiko dira. Gainera, tenperaturak beste koska bat gora egingo du, eta balio altuenak 13-16 ºC artekoak izango dira.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.