Gazte talde batek Bilboko metroko bi zaindariri eraso die
Gazte talde batek Bilboko metroko bi segurtasun zaindariri eraso die Eguberri-egunean, San Mames geltokian, Segurtasun Sailak jakitera eman duenez.
Ertzaintzan aurkeztutako salaketaren arabera, gertaerak 7:40an hasi ziren, bikote bat metrotik eztabaidatzen irten zenean. Une batean, geltokiko laugunean zirela, mutila makinei ostikoak ematen hasi zen. Segurtasun zaindari bat bertaratu, lasaitzeko eskatzeko, eta mutila eztabaidan hasi zen harekin, geroago, eraso egin zion, eta zauriak eragin zizkion ahoan, hortzetan batez ere.
Beste zaindari bat bertaratu zen, laguntzeko asmoz, eta lehenengo erasotzailearen bizpahiru lagunek eraso zuten. Metroko langileak zauri arinak ditu buruan eta besoan. Bi zaindariak bajan daude, erasoaren ondorioz.
Ertzaintzak ikerketa bat abiarazi du. Oraindik ez da atxiloketarik izan.
CCOOk langile gehiago eskatu ditu, erasoak ekiditeko
CCOO sindikatuak Bilboko metroan zaindari zerbitzuan langile gehiago eta segurtasun neurri gehiago eskatu ditu astelehen honetan, igande honetakoa bezalako erasoak izatea ekiditeko.
Ohar batean, gazte talde batek San Mames geltokian bi zaindariri emandako “jipoi ikaragarria” salatu du zentralak.
Bilboko metroko langileak “nazkatuta” daudela jakinarazi du sindikatuak, segurtasun pribatuko zerbitzuan hainbat aldiz “segurtasun neurrien falta” dela salatu ostean. 2015 eta 2016 urteen artean gutxienez lau eraso jasan dituzte metroko hainbat geltokitan, hainbat zauriturekin, datuen arabera.
Sindikatuak azaldu duenez, beste sindikatu batzuei mobilizazioak egitea proposatuko die, igandeko erasoa salatzeko.
UGTren erreklamazioa
Metro Bilbaoren zuzendaritzak zaindariek jasaten dituzten erasoen aurrean erakusten duen “deslotura” salatu du UGTk. Halaber, duela hilabete (azaroaren 25ean erregistratu zuen) Metro Bilbaoko Segurtasun arduradunari egindako erreklamazioa nabarmendu du.
Prosegurren UGTko sekzio sindikaleko arduradunak ohartarazi duenez, “Metroari dagozkio segurtasunari buruzko erabaki operatiboak, eta ez Prosegurri, horregatik duela hilabete erreklamazio bat egin genion Metroko zuzendaritzari, atzemandako hutsuneekin, zuzendu ditzaten, eta oraindik ez dute halakorik egin, ez digute jakinarazi behintzat”.
UGT Prosegurreko arduradunen ustez, erasoak izaten jarraituko da Metro Bilbaoko kudeatzaileek haien erantzukizunak ekiditen dituzten bitartean.
Zure interesekoa izan daiteke
AEK-k Korrikatik kanpo utzi du CCOO sindikatua, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta "Argia" aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du
29. edizioak Trintxerpe eta Donostia zeharkatuko ditu, "Erroldarik gabe ez naiz existitzen" lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.