Erraustegiaren lehen esleipena eteteko akordioa, bertan behera

Donostiako auzitegi batek bertan behera utzi du erraustegia ez eraikitzeko GHK-k obra egitekoa zuten enpresekin 2013ko azaroan lortutako akordioa.

Zubietako errauste plantaren proiektua. Artxiboko argazkia: EiTB

AGENTZIAK | ERREDAKZIOA

2017/01/04 - 17:08

Azken eguneratzea

2017/01/04 - 17:08

Donostiako Administrazioarekiko Auzien 1. Epaitegiak baliorik gabe utzi du Gipuzkoako Hondakinen Kontsortzioak (GHK) Zubietako errauste planta eraiki behar zuen aldi baterako enpresa elkartearekin —FCCSA, SBSL, AYUSA, CMSA e HZIAG— esleipena eteteko 2013ko azaroan sinatu zuen kontratua. Akordio horren arabera, GHK-k zortzi milioi euroko kalte ordaina eman zion aipaturiko enpresa elkarteari. Esleipena eten zen garaian Bilduk agintzen zuen Gipuzkoako Foru Aldundian.

Donostian eskainitako prentsaurrekoan gaur ezagutarazi den epaiaren berri eman dute Jose Ignacio Asensio Gipuzkoako Ingurumen diputatuak eta Felix Asensio Ingurumen zuzendariak. Foru Aldundiko zerbitzu juridikoa epaia aztertzen ari dela azaldu ostean, koalizio abertzaleari ardurak eskatuko dizkiola iragarri du, haren esanetan, ondorioak ezin direlako doan izan.

Asensiok azaldu duenez, epaitegiak aintzat hartu du esleipena bertan behera uzteko akordioaren aurka San Markosko eta Debabarrenako mankomunitateek, Arcadio Benitez, Ricardo Garate, Ioseba Arrizabalaga, Denis Itxaso eta Igor Iturain batzarkideek aurkeztutako helegitea. Auzitegiak ez zela legezkoa ebatzi du eta, ondorioz, baliorik gabe utzi du.

Kontratua bertan behera gelditutakoan, Gipuzkoako Foru Aldundiak zortzi milioi euroko kalte ordaina eman behar izan zion Zubietako erraustegia egitekoa zuen enpresa elkarteari. Gainera, beste prestaketa lanetan beste hiru milioi euro gastatu zituen. Ez hori bakarrik, Asensioren esanetan, guztira 40 milioi euroko galerak eragin dizkio Gipuzkoako Foru Aldundiari.

Kostu ekonomikoaz gain, erabakiak Europako Inbertsio Bankuaren inbertsioa galtzea ere eragin zuela azpimarratu du Asensiok.

Foru diputatuaren hitzetan, orain epaitegiek baliorik gabe utzi duten erabakiak "Gipuzkoa osoari kalte egin zion", "galera ekonomikoak, Europako erakundeen aurrean sinesgarritasuna galtzea eta Gipuzkoa hondakinen kudeaketarako azpiegiturarik gabe uztea" eragin zuelako. Gaineratu duenez, koalizio abertzaleak bere interesak jarri zituen gipuzkoarren interesen aurretik.

Albiste gehiago gizartea

EHUk irudi berria aurkeztu du Chillida-Lekun

Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute eta Leire Berasaluzek abestu du.

Min kronikoa duten pertsonen kopurua igo egin da Euskadin, eta, horrekin batera, opioideen erabilera

Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea min iraunkorra mendekotasunean erori gabe tratatzeko.

Osakidetzak 67 lagun artatu ditu azken 10 egunetan, tenperatura altuen ondorioz

Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.

18:00 - 20:00

Bidaiari bat atxilotu dute Loiun, kontrabandoagatik

Atxilotuak 2.550 tabako-pakete zeramatzan fakturatutako ekipajean.

Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei

Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.