Bizkaiko sagardo denboraldia abian da, Andoni Aizpururen eskutik
Asteazken honetan, urtarrilak 18, abiatu dute Bizkaiko sagardo denboraldia, Andoni Aizpuru kazetariaren eskutik. Aurtengo sagardoari dagokionez, “oso usaintsua da, fruta usain freskoak dituena eta kolore ilunekoa”.
Aurkezpen ekitaldia Amorebieta-Etxanoko (Bizkaia) Uxarte sagardotegian egin dute, eta Juan Zuriarrain enologoak azaldu duenez, sagardoak “ezaugarri oso zehatzak” ditu. Hala, “oso usaintsua izateaz gain, ibilbide luzeko sagardoa da”.
2017ko sagardoak “txinparta fina izateaz gain, edalontzian bits edo apar gehiago uzten du”. Gainera, aurtengo sagardoaren alkohol graduazioa % 6 eta 6,5 artean dago, sagarrek “azukre orekatuagoa” ekarri baitute, orokorrean.
Aurkezpen ekitaldian, besteak beste, hauek egon dira : Elena Unzueta, Ingurune Naturala Zaintzeko diputatua; Bittor Oroz, Eusko Jaurlaritzako Arrantza eta Elikadura Politikako sailburuordea; Andoni Agirrebeitia, Zornotzako alkatea; eta Aitor Intxaurraga, Bizkaiko Sagardogile Elkarteko presidentea.
Sagarrondoek fruitu gutxiago eman dute aurten. Bizkaian 125.000 litro (aurreko denboraldian baino zenbait litro gutxiago) ekoitzi dituzte Durangaldea, Busturialdea, Uribe Kosta, Txorierri eta Lea-Artibai eskualdeetan, bereziki eskualde horietan ekoizten baitituzte sagardoa egiteko sagarrak.
Horrek, baina, ez du sagardoaren kalitatean eraginik izan, osasuntsu eta kalitate ezin hobean heldu baita kupeletara. Oro har, udako klima lehorrak fruituraren lorealdia atzeratu du eta horrek nolabaiteko eragina izan du sagarrondo batzuetan. Sagardogileen ustez, baina, sagarrondoen zikloen alternantziaren ondorioz gertatu da hori, eta datorren urteko uzta oparoagoa izango dela esan dute.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.