Sanferminetako bortxaketan auzipetutako baten aldeko kartela, Sadarren
Sanferminetan taldean egindako bortxaketan parte hartzegatik auzipetuta dauden bost lagunetako baten aldeko pankarta atera zuten atzo, igandea, Sevilla futbol taldeko zenbait jarraitzailek, Sadarren jokatu zen Osasuna-Sevilla partidan. Pankarta horretan 'Gordo' izena irakur zitekeen.
Uztailaren 7an, San Fermin egunean, 18 urteko neska bati taldean egindako bortxaketaren egileetako bat delakoan, espetxean dago Jose Angel Prenda Martinez, 'Gordo' ezizenez ezaguna. Prenda Martinez Sevilla taldearen jarraitzaile ezaguna da, eta zale sevillarrak biltzen dituen 'Biriak' kolektiboarekin lotu izan dute.
Berehala zabaldu zen argazkia sare-sozialetan, eta ekintza salatzeko mezuak bata bestearen atzetik etorri ziren:
Ikerketa zabalik
Gobernuak Nafarroan duen Ordezkaritzak jakitera eman zuenez, Polizia Nazionalak txosten bat egingo du pankarta honi dagokionez, eta Indarkeriaren aurkako Batzordeari bidaliko diote, gertaerak ikertu ditzan eta dagokion agintariari isun bat proposatu diezaion.
Biriak taldearen oharra
Gerora, igande honetako 22:00ak aldera, Biriek ohar bat argitaratu eta ukatu egin zuten Sadarren egon izana. "Biris Norte ez da Sadarreko harmailetan egon", dio oharrak. Modu horretan, baztertu egin nahi izan zuten pankartarekin zerikusia izatea.
Komunikatu horretan, "oraindik epaitu gabe dagoena ez kondenatzea" defendatu zuten, baita "errugabetasun-presuntzioa" errespetatzea ere, bortxaketaren auzian auzipetuta daudenei zeharkako erreferentzia eginez.
Aldi berean, Birien oharrak adierazten zuenez, talde hori "genero indarkeriaren edota indarkeria sexistaren aurka" dago, eta horren aurka borrokatzen dutela zioten "bai Ana Bella Fundazioko emakumeei laguntza emanez, bai laguntza edo kontzientzia-kanpainen bitartez".
Albiste gehiago gizartea
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.