Gizon bat zauritu da, APOEL eta Athleticen zaleen arteko liskar batean
Gizon bati hainbat ebaki egin dizkiote bart aurpegian eta pertsona talde bat identifikatu dute, Athleticen eta Nikosiako APOEL futbol taldeetako zaleen artean izandako liskarretan.
22:00ak aldera izan ziren istiluak, Arriaga Antzokiaren plazaren inguruetan, Bilbon, Zipreko taldearen eta Ernesto Valverdek gidatzen duen taldearen arteko partidaren bezperan, Europa Ligako final-hamaseirenetan.
Istiluen ondorioz, Zipreko gizon batek ebakiak zituen aurpegian, bekainean eta masailean. Bertaratu den anbulantzia bateko kideek artatu dute, Nafarroa eta Adiskidetasun kaleek bat egiten duten tokian, Zazpikaleetatik gertu.
Ondoren, baina, Basurtuko Ospitalera eraman behar izan dute, Eusko Jaurlaritzako Segurtasun Sailak Europa Pressi azaldu dionez.
Bilboko Udaltzaingoaren arabera, APOELeko 10-15 bat kidek eta Herri Norte Athleticen zaleen taldeko 40 bat kidek Arriaga Antzokitik gertu bat egin eta borroka hasi dute.
Zipreko beste talde batzuk ere bat egiten saiatu dira, baina Udaltzaingoak "tentsioa baretu" du, aipatutako iturrien esanetan.
Handik gutxira, bi taldeak Nafarroa kalerantz abiatu dira, baina tarte horretan Udaltzaingoak taldeak desegin ditu eta ibilgailuen zirkulazioa ere eten egin du, hamar bat minutuz.
Bilboko Udaltzaingoak eta Ertzaintzak gainera, eta zenbait pertsona identifikatu dituzte. Zaleek, baina, alde egin dute poliziak iristen ikusi dituztenean.
Zure interesekoa izan daiteke
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.
Negu astronomikoa igande honetan hasiko da eta bi eklipse izango ditu
Urtaro berria abenduaren 21eko 16:03an hasi eta martxoaren 20an amaituko da, udaberria hastearekin batera. Eklipseak ez dira Euskal Herritik ikusgai izango.
Bizileku irtenbide bat eskatu dute Gasteizen asilo bila dauden Maliko pertsonentzat
Gaur egin duten protestako bozeramaileetako batek manifestu bat irakurri du, eta gogorarazi du maliar horiek gerratik eta pobreziatik ihes egiteko atera zirela beren herrialdetik, eta itxaron egin behar dutela asilo eskaera izapidetzeko, "gehienetan, urteak atzeratzen direlako gestioak".
Ireki dute berriro AP-1 errepidea, kamioi baten istripuagatik itxita egon ostean
Kamioi batek su hartu du AP-1 errepidean, Iruraiz-Gaunan (Araba), eta errepidea itxi behar izan dute Irungo noranzkoan.
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar kalejira egin aurretik. Abenduaren 23an izango da, eta zuzenean jarraitu ahal izango da streaming bidez eitb.eus-en, 18:30ean, Anabel Arraizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.