Haur transexualei buruzko lehen ikus-entzunezko material didaktikoa, eskura
Zortzi minutu nahikoa dira Eli, Leo, Shaila edo Marcos izeneko lau umeen bizitza ezagutzeko. Zakila duten neskak eta alua duten mutilak dira. Denak zoriontsu bizi dira, euren nortasuna onartuta dutelako. Chrysallis Euskal Herria adingabe transexualen familien elkarteak haurren transexualitatea lantzeko lehen ikus-entzunezko material didaktikoa prestatu du gaia ikasgeletan edo etxean lantzeko.
Bideoa Donostiako Giza Eskubideen Zinemaldian estreinatu zuten, eta Chrysallisen webgunean egongo da eskuragarri maiatzaren 3tik aurrera, doan deskargatu eta erabiltzeko.
"Zakila duten neskak, alua duten mutilak: aniztasunaren adierazpen bat" izeneko ikus-entzunezkoa panpina bikote baten elkarrizketarekin abiatzen da, eta segidan adingabe transexual batzuen bizitzako uneak erakusten ditu.
Chrysallis Euskal Herria elkarteak dei egin die ikastetxeei, liburutegiei eta ludotekei bideoa maiatzaren 17an, Transfobiaren aurkako egunean, eskain dezaten. Elkartearen iritzian, transfobiari aurre egiteko modurik onena "ezagutza zabaltzea eta hausnarketa sortzea da".
Chrysallisen aburuz, materiala "oso erabilgarria" izan daiteke ikasgeletan lantzeko edo familia artean ikusteko. Iaz elkarte honek berak argitaratutako eta zortzi hizkuntzatara itzulitako fitxa didaktikoen osagarria da.
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.