Urdulizko Ospitaleko Larrialdi Zerbitzua, gaurtik aurrera martxan
Atzo, astelehena, inauguratu zuten Urdulizko Alfredo Espinosa Ospitaleko Larrialdi Zerbitzua. Gaurtik aurrera martxan izango da eta 65 profesionalek lan egingo dute bertan.
Ospitalera egin duten bisitan, Larrialdi Zerbitzuetak lan egingo duten langileekin izan ziren atzo Iñigo Urkullu lehendakaria, Jon Darpon Eusko Jaurlaritzako Osasun sailburua, Maria Jesus Mugica Osakidetzako zuzendari nagusia eta Javier Bilbao Urdulizko alkatea.
Larrialdi Zerbitzu berriak 'triage'ko bi postu berri, anbulatorioko zortzi kontsulta, ebakuntza gela, bihotz-biriketako bizkortzeak egiteko gela, tratamenduetarako gela, behaketa gela, X izpien gela, traumatologia aretoa, sendaketa gela eta 19 box izango ditu; hori guztia 1.800 metro koadrotan banatuta.
Urteko 365 egunetan eta 24 orduan zabalik egongo da eta Uribe eskualdeko eta Mungialdeko bizilagunen beharrei erantzungo die: Arrieta, Bakio, Barrika, Berango, Fruiz, Gamiz-Fika, Gatika, Getxo, Gorliz, Laukiz, Leioa, Lemoiz, Maruri-Jatabe, Meñaka, Mungia, Plentzia, Sopela eta Urduliz.
Larrialdi Zerbitzuaz gain, bigarren fase honetan beste hainbat zerbitzu jarriko dira martxan: etxez-etxeko ospitalizazio zerbitzua, kanpoko kontsultak, digestio aparatuko endoskopia zerbitzua eta kirurgia handi anbulatorioa. Ekipamenduari eta teknologiari dagokionez, 6 milioi euroko inbertsioa egin dute bigarren fasean.
Aurrerago, ospitalizazio mediku eta kirurgikoa, bloke kirurgikoa eta bizkortze unitatea martxan jartzen direnean, Urdulizko ospitalea ia % 100ean martxan izango da. Azkenik, Onkologia eta Eguneko Ospitale zerbitzuak irekiko dituzte.
Uztailean ospitalea ireki zutenetik, 32.000 kontsulta eta 20.000 proba egin dituzte.
“Kalitatezkoa eta publikoa” izatea eskatu dute sindikatuek
SATSE, ELA, LAB, CCOO, UGT eta ESK sindikatuak Iñigo Urkulluren aurrean mobilizatu dira astelehen honetan, Urdulizko Alfredo Espinosa Ospitaleko larrialdi zerbitzuaren inaugurazioa dela eta. Bertan, “Osakidetzaren pribatizazioa” salatzeaz gain, “irekieraren atzerapena” salatu dute. Ildo horretatik, zerbitzua “kalitatezkoa eta publikoa” izan dadin exijitu dute.
Natxo Alvarez LAB sindikatuko ordezkariak azaldu duenez, “Urdulizko Ospitalea % 100 publikoa izatea” espero du. Bere esanetan, “Urdulizko Ospitaleetako sukalde, ikuztegi eta garbikuntza zerbitzuen baldintza-agiria geldiarazteko agindua jaso ondoren ere, Osakidetzak zerbitzu horiek eta beste zentro batzuetakoak pribatizatzeko asmoarekin jarraitzen du”.
Ildo horretatik, zerbitzu publiko baten alde egin dute sindikatuek, kalitatea hobea izateaz gain, ekonomikoki ere merkeago delako. “Osasun-sistemak zenbat eta pribatizatuago egon, orduan eta desberdintasun handiagoa osasun-zerbitzuak eskuratzeko”, esan du Alvarezek.
Oro har, langile publikoen lan-baldintzak enpresa pribatu batekoenak baino hobeak direla nabarmendu du LABek.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.