Zer da histamina?
Zer da histamina?
Giza organismoan modu naturalean sortzen den substantzia da histamina. Elikagaietan ere, batez ere arrainetan, sortzen da histamina. Amina biogenoen taldekoa da.
Histamina kopuru handiak alergiak eta bestelako erreakzioak eragin ditzake giza gorputzean.
Zergatik sortzen da histamina?
Elikagaiak manipulatzerakoan higienea behar bezala ez zaintzeak eragin dezake histamina substantzia sortzea.
Kontserben prozedura okerrak ere sor dezake histamina: besteak beste, elikagaiak tenperatu altuan behar baino denbora gehiagoan izateak sortzen du amina mota hau.
Zein elikagaietan sortzen da histamina?
Batez ere, arrainetan sortzen da histamina. Dena dela, hestebeteetan, gaztetan eta ardoetan ere agertu ohi da.
Scombridae familiako arraietan sortzen da gehienbat, eta hori dela eta, 'Scombridae toxikazioa' deitu ohi zaio amina mota honek eragindako alergiei: atuna eta berdela dira kaltetuenak. Sardinetan, antxoetan eta bokartetan ere agertu ohi da.
Zeintzuk dira histaminak giza osasunean izan ditzakeen ondorioak?
Histamina dosi altua kontsumitzeak toxikazio arinak eta alergiak eragin ditzake: hipertentsioa, buruko mina, beherakoa edo aurpegiko azala gorritzea dira sintometako batzuk. Batzuetan, histamina kontsumitu eta berehala agertzen dira zantzu horietako batzuk, baina hiru ordura ere ager daitezke.
Alergia kasu larrienetan arnas-aparatuarekin lotutako arazoak sor daitezke; gorputz osoan kalanbreak ere eragin ditzake histamina dosi altu batek.
Kasu gehienetan 12-24 orduren buruan kontrolatzen dira substantzia honek eragindako erreakzioak.
Histamina kontrolatzeko araudirik ba al dago?
Europar Batasunak arrainetan eta horietatik eratorritako produktuetan egon daitekeen gehienezko histamina kopurua ezarrita du: 100-200 miligramo kilo bakoitzeko. Halaber, Europako arauak ezartzen du nahitaezkoa dela arrantza-produktuak zero gradu zentigradutik hurbil mantentzea manipulazio kate osoan zehar, histamina sortzea ekiditeko.
Albiste gehiago gizartea
Atxilotu bat Bilboko aireportuan, Suediara arma bat bidaltzeagatik
Suediako segurtasun-indarrek atzeman zuten arma. gizona identifikatu eta atxilotzeko eta entregatzeko agindua eman zuten, Europa mailan.
Gaur ere abisu horia ezarriko dute prezipitazioengatik EAEn, 13:00etatik aurrera
13:00etik 19:00etara egongo da indarrean. Atzo iluntzeko ekaitzak kalte ugari eragin zituen.
Gizon batek emaztea eta 3 urteko semea hil ditu Valentzian
Gaur goizean izan dira hilketak, Algemesi herriko etxebizitza batean. Erasotzailea atxilotu egin dute.
Atzoko ekaitzak uholdeak eta kalteak eragin ditu eta hainbat ekitaldi bertan behera utzi behar izan dituzte, batez ere Bizkaian
Ekaitz handi batek Euskadi goitik behera zeharkatu zuen atzo arratsaldean, eta gorabehera handiak utzi zituen, batez ere Bizkaiko hainbat udalerritan. Uholdeak izan ziren, eta azpiegituretan kalteak ere bai: hainbat jaitako ekitaldiak bertan behera utzi behar izan zituzten.
"Bruce Springsteenek garrantzi berezia eman nahi izan dio euskarari Donostiako bi kontzertuetan"
Amaia Ispizua Get In enpresako promotoreak Bruce Springsteenek Anoetan interpretatu dituen bost abesti euskaratu ditu. "Askatasunaz hitz egiten duten abestiak dira, eta Trumpen administrazioa hartzen ari den ildoaren aurkakoak dira", adierazi du Ispizuak.
Euskarak BAME azterketan nola puntuatuko duen aztertzen ari da Osasun Ministerioa, baina "ez da aurretiazko baldintza izango”
Gainera, hizkuntzak ez du BAME azterketako baremazioa aldatuko, Monica Garcia ministroak Kongresuko Osasun Batzordean esan duenez.
Kamioi batek su hartu du AP68 errepidean, Zuian
Autoak zeramatzan kamioi batek su hartu du AP68an, Zuian, Zaragozarako noranzkoan. Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.
Sexu-esplotazioko sare batean zeuden 12 emakume askatu dituzte Euskadin
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Arabako Auzitegiak gizon bat epaituko du asteazken honetan, emaztea eta bien alaba adingabeak behin baino gehiagotan bortxatzea leporatuta
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.