Espetxera bidali dute Berrizen emaztea labankadaz larri zauritzeagatik atxilotutako gizona
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
Ehunka lagunek eraso matxista salatu dute, Berrizen. EFE
Bikotekidea hiltzen saiatzeagatik Berrizen atxilotutako gizona espetxean sartu dute, Durangoko Epaitegietatik igaro eta epaileak deklarazioa hartu ostean. Biktimak larri jarraitzen du, zainketa intentsiboetako unitatean.
Ustezko egilea, 48 urteko gizonezkoa, astelehenean atxilotu zuen Poliziak, emaztea, 38 urteko emakumezkoa, labankadaz hiltzen saiatzea egotzita. Erasoa astelehen goizean gertatu zen, familiaren etxebizitzan bertan, eta bikotearen lau seme-alabek eta bizilagun batek geldiarazi zuten erasoa.
Emakumea Gurutzetako Ospitalera eraman zuten, larri, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
Manifestazioa, erasoa gaitzesteko
Ehunka herritarrek hilketa matxista saiakera salatu zuten atzo arratsaldean, Berrizen. Indarkeria matxistaren aurrean ardura kolektiboa aldarrikatu beharra nabarmendu zuen Berrizko Mugimendu Feministak, eta Emakundek, berriz, horrelako erasoen aurrean kalera irtetzearen beharra.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
