Absolbitu egin dute Burlatan hildako gizonaren heriotzagatik auzipetutakoa
Iruñeko Zigor arloko 3. zenbakiko Epaitegiak absolbitu egin du 2014an Burlatako (Nafarroa) jaietan izandako borroka batean hildako gizonaren heriotzagatik auzipetutakoa. Biktimak ukabilkada bat jaso zuen eta buruaz lurra jo zuen. Larri zaurituta eraman zuten ospitalera, baina lau egun geroago hil zen, lurraren kontra hartuko kolpeak eragindako zaurien ondorioz.
Ebazpenaren kontrako helegitea aurkez daiteke, izan ere, epaileak adierazi du ez dagoela froga nahikorik, ezta eraginkorrik ere, auzipetutako gizona erasoaren eta sorospen-eginbeharra ez betetze delituaren erantzulea dela egiaztatzeko.
Borroka abuztuaren 16an izan zen, Burlatako taberna bateko kanpoaldean. Alabaina, epaileak ezin izan du egiaztatu auzipetutako pertsonak borroka hasi zuenik, ezta biktima edari alkoholdunen eraginpean zegoela aprobetxatuta heriotza eragin zion ukabilkada eman zionik ere.
Biktimak borroka jendetsu horretan parte hartu zuela egiaztatu du epaileak, baina akusatuaren errugabetasun presuntzioaren kontra froga nahikorik ez duela lortu gaineratu du. Ildo horretatik, lekukoek behin eta berriro esandako “kontraesan argiak” aipatu ditu, eta ezin diela sinesgarritasunik eman esan du.
Lekuko batzuen esanetan, marradun jertse gorria zeraman gizon argal batek eman zion biktimari ukabilkada, besteek ez zuten auzipetutakoa erasoaren erantzulearekin lotu, baina biktimak taberna barruan izandako beste borroka batean parte hartu zuela ziurtatu zuten lekukoek. Ildo horretatik, jarrera oldarkorra erakutsi zuela eta kalera atera zutela berretsi zuten.
Bestalde, egun horretan biktimari ukabilkada eman izana ukatu du auzipetutako gizonak, eta bertan egon ez zenez ez zuela borrokan parte hartzerik izan gaineratu du.
n gaineratu du.Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.