EHUko Uda Ikastaroen 2017ko edizioa, abian
Gaur inauguratu dute EHUren Uda Ikastaroen XXVI. edizioa, eta helburu gisa "gogoeta" eta "ikasteko gogoa sustatzea" jarri dute, besteak beste.
Iñigo Urkullu lehendakariak parte hartu du inaugurazioko ekitaldian Markel Olano Gipuzkoako ahaldun nagusiarekin, Eneko Goia Donostiako alkatearekin, Cristina Uriarte Hezkuntza sailburuarekin, Rafael Pardo BBVA fundazioko zuzendariarekin, Carmen Agoues ikastaroen zuzendariarekin eta Nekane Balluerka unibertsitateko errektorearekin batera.
Carmen Agouesek esan du Uda Ikastaroek "gogoeta sustatu" nahi dutela, "gure gizarteak ezagutu behar dituen oinarrizko gaiak jorratzeko eta irtenbideak bilatzeko prozesuan laguntzeko". "Ezagutza eman nahi dugu zalantza ozeano honetan, eta inspiratu eta ikasteko gogoaren sua piztu", gaineratu du.
Bestalde, lehendakariak esan du EAEn "egonkortasun unea" bizi dela, eta "2020ari anbizio handiagoarekin" begiratzen diola. Hala, "Giza Garapen Iraunkorraren eredurantz aurrera egiteko" garaia dela azpimarratu du, "etorkizunari begira oinarrizko printzipioak etikoa eta adostasunekoa" direla gaineratu aurretik.
Bakartxo Tejeria Legebiltzarreko presidentea eta Eider Mendoza Gipuzkoako Batzar Nagusietakoa ere bertan izan dira, eta Antonio Caño El Paisen zuzendariaren hitzaldiaren lekuko izan dira.
Cañok esan du uda ikastaroek "bikaintasuna lortzeko euskal unibertsitateak duen erronkari" erantzuten diela.
Bestalde, Gipuzkoako ahaldun nagusiak uda ikastaroek ezagutza mailan duten garrantzia eta duen izaera "irekia eta parte-hartzailea" azpimarratu ditu.
Zure interesekoa izan daiteke
Zumaian agertutako gorpua Eibarren desagertutako 60 urteko emakume batena da
Autopsiaren arabera, pasa den igandean Itzurun hondartzan agertutako gorpuak ez zuen kriminalitate zantzurik. Apirilaren 13an, emakumearen senide batek haren desagerpena salatu zuen Eibarko ertzain-etxean, hilaren 11tik haren berririk ez zuelako.
Bertan behera gelditu da Lapurdin isuri gutxiko eremua sortzeko egitasmoa eta ez da bereizgarririk beharko aurrerantzean ere
Lehen Asanblea Nazionalak egin bezala, orain Senatuak ere bidea itxi dio Lapurdiko kostaldean isuri gutxiko eremua sortzeko neurriari. Frantziako Gobernuak proposatutako neurriari ultraeskuinak jarritako ebazpena aintzat hartu du Senatuak.
Emakume bat atxilotu dute Bilbon, bikotekidea barruan zela lonja bati su emateagatik
Hainbat lekukok ikusi dute bart atxilotuak nola bota duen zerbait Atxuri auzoko lonja bateko atetik barrua eta sua piztu den gero. Emakumearen bikotekidea barruan zegoen eta Basurtuko ospitalera eraman dute.
Zabalik da erregularizazioa online egiteko aukera, eta aurrez aurre egiteko hitzordua eska daiteke
Eskabidea telematikoki egin ahal izateko, beharrezkoa da ziurtagiri elektronikoa izatea edo gaitutako profesionalen zein Atzerritarren Laguntzaileen Erregistroan inskribatutako erakundeen bitartez egitea. Eskabidea aurrez aurre egiteko hitzordua eska daiteke dagoeneko, baina datorren astelehenean, apirilaren 20an, hasiko da prozesua, tramiterako gaitutako puntuetan.
Albiste izango dira: migratzaileen erregularizazioa, Ekialde Hurbileko gerraren azken ordua eta Mitoaroa III-ren aurkezpena
Orain-ek gaur landuko dituen albiste nagusien laburpena.
EAEn aztertutako eskolen % 96k gainditzen dute OMEk gomendatutako NO2 kutsadura maila
Ekologistak Martxan taldeak zazpi udalerritako 78 eskolatan neurtu du NO2 nitrogeno dioxidoaren maila: Gasteizen, Donostian, Errenterian, Oiartzunen, Barakaldon, Bilbon eta Erandion. Horietatik soilik hirutan errespetatzen da Osasunaren Mundu Erakundeak (OME) jarritako metro kuboko 10 mikrogramoko langa.
Joko-aretoetan erruleta-makinak manipulatzen zituen talde kriminal baten burua atxilotu dute Irunen
Ertzaintzak 29 urteko gizon bat atxilotu zuen joan den ostegunean Irunen, joko-areto batean makinak manipulatzen harrapatu baitzuten. Atxilotu zutenean, ostegunean bertan lapurtutako 31.000 euro baino gehiago zeramatzan soinean, eta aurreko egunean antzeko beste lapurreta bat egin zuen Donostiako lokal batean. Poliziaren arabera, atxilotutako gizona talde kriminal baten burua da, eta hainbat lapurreta egozten dizkiote.
2025ean, Osakidetzak iraungitako 274 txerto eman zituen Euskadiko 13 ESIetan
Osasun Sailak orain emandako datuen arabera, ESI guztietan izan ziren akatsak.
Ilarak kontsulatuetan, migratzaileak erregularizatzeko prozesua abiatu berritan
Ilara luzeak izan dira Bilboko Marokoren kontsulatuan, Aldizkari Ofizialean migratzaileen ezohiko erregularizazioa argitaratu ostean. Bilbokoa da Euskal Herri osoan eta Espainia iparraldean dagoen Marokoren kontsulatu bakarra.
Oposizioak salatu du Euskadiko Osasun Itunaren balantzea "marketin hutsa" dela
EH Bilduk, PPk eta Sumarrek salatu dutenez, Eusko Jaurlaritzak Euskadiko Osasun Itunaren betetze mailari buruz egindako balantzea "marketin-ariketa” hutsa da, eta Osakidetzan bizi den "errealitatetik oso urrun" dago. Halaber, Euskal Osasun Zerbitzuan dauden arazoak konpontzeko "balio ez" duela aurpegiratu dute, eta, era berean, ituna euskal osasun-sistema "erortzen uzteko koartada" bat dela deitoratu.