104 pertsona artatu dituzte Tolosako igerilekuetan, kloroa arnasteagatik
Orotara 104 pertsona artatu behar izan dituzte Tolosako (Gipuzkoa) Usabal kiroldegiko igerilekuetan, kloroa arnastu dutelako.
Horietatik, 23 osasun zentroetara eraman dituzte, tartean 15 adingabe, baina ez dago inor larri.
Igerilekuetara Osakidetzaren eta DYAren 12 anbulantzia eta Gurutze Gorriko hainbat ibilgailu bertaratu dira.
Toxikatutako pertsonen artean, 72 kiroldegian bertan artatu dituzte.
Baliteke igerilekuak garbitzeko produktuetan akats bat egon delako gertatu izana gas isuria. Kiroldegi osoa hustu egin dute.
Osakidetzaren esanetan, kloroa arnasteak narritadurak sor ditzake, eta katarroa dutenen edo asmatikoak direnen kasuan eragina handiagoa izan daiteke.
Gainera, suhiltzaileak, Udaltzaingoa eta Ertzaintza ere bertaratu dira. Olatz Peon alkatea eta Kirol, Zerbitzu eta Gazteria zinegotziak ere hara joan dira.
Aireko kalitatea "ona" da
Alertaren ostean kiroldegian egindako neurketen arabera, zentroko airearen kalitatea “ona” da, Udalak ohar batean informatu duenez.
Erakundearen esanetan, gas toxikoa zabaldu da kiroldegiko aireztatze hodietatik, eta oso denbora gutxian arduradunek sintomak atzeman dituzte: usai nabarmena, mihiko azkura, negar jarioa, eztula eta orokorrean arnasteko arazoak.
Horren aurrean, kiroldegia husteko protokoloa jarri da abian, eta larrialdi zerbitzuei egin zaie bertaratzeko deia. Minutu gutxian kiroldegi osoa hustu da.
Tolosako Udala, larrialdi zerbitzuak eta kiroldegiaren zuzendaritzak elkarlanean abiatu dute egoera argitzeko ikerketa.
Une honetan, kiroldegiko airearen kalitatea ona dela diote ikerketek eta kutsaketaren arrazoiak zein izan litezkeen aztertzen ari dira. Ahalik eta denbora murritzenean zabaltzea da Udalaren asmoa, betiere segurtasuna bermatuz.
Olatz Peon Ormazabal Tolosako alkateak gaixoei Udalaren babesa eskaini die, eta larrialdi zerbitzu, Tolosako udaltzain eta Ertzainei bere esker ona adierazi die.
Ezbeharraren inguruko argibideak nahi dituen ororentzat 688 822 093 telefono zenbakia gaitu du Tolosako Udalak.
Albiste gehiago gizartea
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu da zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarako gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.