Hildako bat eta 13 zauritu Garesen, gas-leherketa baten ondorioz
Pertsona bat hil eta beste hamahiru zauritu dira, horietako bi oso larri, gaur goizaldean Garesko (Nafarroa) etxebizitza batean izandako gas-leherketan eragindako sutearen ondorioz.
Nafarroako Gobernuak jakinarazi duenez, hildakoa ezbeharra izan den etxebizitzan bizi zen; zaurituak, berriz, kaletik zihoazen oinezkoak dira, eta leherketaren ondorioz gainera eroritako txintxorrek jo dituzte. Aipatu zauritu horietatik bi, 21 urteko neska bat eta 25 urteko mutil bat, Nafarroako Ospitale-guneko Zainketa Intentsiboen Unitatean daude, eta bertan izan da Fernando Dominguez Osasun sailburua.
Aipatutakoez gain, 19, 21 eta 23 urteko beste hiru gazte behaketan daude ospitale berean, printzipioz horren larria ez den pronostikoarekin. Gainera, 59 urteko beste gizon bat ere zentro berean dago ingresatuta. Ospitale horretan adingabe bat eta beste bi pertsona heldu ere artatu dituzte, baina senda-agiria jaso dute dagoeneko.
Foru Gobernuak emandako informazioaren arabera, zauriak izan dituzten gainerako lau pertsonak Garesen bertan artatu dituzte DYako langileek, euren zauriak arinagoak baitziren.
Gertaera 01:30ean gertatu da, Cortes de Navarra kaleko 4 zenbakiko lehen solairuan. Herriko festak ospatzen ari zirenez, jende asko zebilen kalean.
Hildakoaren gorpua kiskalita aurkitu dute etxe barruan. Suak guztiz kaltetu du etxebizitza, eta horma bat behera erori da leherketaren eraginez. Adreilu zatiek kalean zeuden hainbat pertsona jo dituzte. Eztandaren indarrak hiru solairuko etxebizitzaren egiturari eragin dionez, bizilagunak etxetik atera behar izan dituzte.
Sutea Lizarrako suhiltzaileek itzali dute, Cordovillako parkeko suhiltzaileen laguntzaz.
Suizidio saiakera
Guardia Zibilak bere gain hartu du gertaera ikertzeko ardura, eta zabaldutako lehen informazioen arabera, litekeena da hildakoak berak eztanda eragin izana, bere buruaz beste egiten saiatzean, butano-bonbona bat irekitzean eta etxebizitzari sua ematean.
Eztandak hiru solairu dituen eraikinaren egitura osoari eragin dio, zutabeak lekuz mugitu eta hormak erori baitira, eta, ondorioz, bizilagunak euren etxean hustu beharko dituzte.
Guztiak onik atera dira euren bizilekuetatik, besoan zauriak zituen bizilagun bat izan ezik.
Guardia Zibilak gaineratu duenez, aldameneko eraikineko bizilagunak ere etxetik atera behar izan dira, teknikariek eraikinaren egitura gainbegiratzearen zain.
Udalaren babesa
Gareseko Udaleko osoko bilkurak ezohiko batzarra egin du goizean, eta elkartasun osoa adierazi die leherketan hildakoari eta zauritutakoei, baita horien senideei ere.
Albiste gehiago gizartea
EAEko Justizia Auzitegi Nagusiak berretsi egin du Gipuzkoan 6 urteko haur bati eraso egin zion gizonari ezarritako 20 urteko kartzela-zigorra
2025 hasieran, 20 urte baino gehiagoko kartzela-zigorra ezarri zion Gipuzkoako Auzitegiak gizonari, eta ia bi urtekoa adingabearen amari, erasoak baimentzeagatik. Errekurritu egin zuten epaia baina EAEko auzitegi gorenak berretsi egin dizkie zigorrak.
Nola egokitu hiriak beroaldietarako eta muturreko tenperaturetarako?
Udak gero eta beroagoak eta luzeagoak dira Euskal Herrian EITB Datak argitaratutako datuen arabera. Bilbon eta antzerako hirietan muturreko tenperaturak izan dituzte. Mundu osoan hiriak beroaldiak hobeto igarotzeko egokitzen ari dira eta natura hirietan sartzea da urbanisten gomendio nagusia.
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.
Jaiotzak % 2,4 gehitu ziren EAEn lehen hiruhilekoan, 1975etik izandako urterik txarrenaren ondoren
2024ko hiruhileko beraren aldean, % 0,6 igo dira atzerriko amak dituzten haurren jaiotzak, bai eta hirugarren eta ondorengoen jaiotzak ere, % 0,8.
Gipuzkoan haurra hiltzen saiatzeagatik akusatutako gurasoek ukatu egin dute alaba astindu izana, eta adierazi dute lesioak gaixotasun genetiko baten ondorio direla
Fiskaltzak zazpi urteko espetxe-zigorra eskatu du bakoitzarentzat, hilketa saiakera egotzita. Gurasoek, aldiz, adierazi dute lesioak gaixotasun "oso arraro" baten ondorio direla.
Jaizkibelek gutun bat eman dio Hondarribiko alkateari, "estrategia aldaketa" eskatuz
Nora Ferreirak, Jaizkibel konpainiako kapitainak, Hondarribiko Udalaren jarrera kritikatu du. "Ezin ditu bi taldeak maila berean jartzen jarraitu, gu emakumeen eskubideen alde borrokan ari baikara", adierazi du Ferreirak. Gainera, hainbat ordezkari politikok, Miren Elgarresta (Emakunde), Ines Ibañez de Maeztu (Arartekoa) eta Maddalen Iriarte (EH Bildu), besteak beste, egindako urratsak nabarmendu nahi izan dituzte, baina erakunde guztiei inplikazio handiagoa eskatu diete.