Datuen arabera, beroaldiak gero eta ugariagoak dira Euskal Herrian
Kalean sarritan entzuten da gaur egungo uda sasoiak lehengoak baino beroagoak direla. Datuek hori islatzen dute. Sasoi horretako batez besteko tenperaturak gora egin du XXI. mendean eta, XX. mendeari begiratuta, aldea nabaria da.
“Gehiegizko beroa daukagu!”. Maiz esan eta entzun dugu baieztapen hori aurtengo udan, batik bat, abuztu erdialdean. Egun askotan muturreko beroa izan dugula ikusita, tenperaturei buruzko datuak bildu ditu EITBk astelehen honetan argitaratutako EITB Data txostenean.
Azken urteetan antzeman den tenperaturen goranzko joera nabari-nabaria izan da 2025 honetako udan, bai Euskal Autonomia Erkidegoan bai Nafarroan.
EAEn udako batez besteko tenperatura 21 gradutakoa izan da aurten eta oso gertu gelditu da 2003an neurtu zen maximo historikotik (21,5 ºC-koa izan zen orduan). Horrez gainera, goiko grafikoan ikusten denez, 2015etik aurrera kolore gorrixkak dira nagusi, XX. mendeko urdinen ordez.
Nafarroan gauza bera gertatu da. Foru erkidegoko datuei erreparatuta, 23 ºC-ko batez besteko tenperatura izan dute udan. Gehiengo historikoa 2022an neurtu zuten; 23,8 gradukoa izan zen.
TENPERATUREN BILAKAERA NAFARROAN
Aurten beroa muturrekoa izan da eskualde eta herri askotan, batik bat, abuztuko lehen 20 egunetan. Hil horretako 15a egun kritikoa izan zen. Estazio meteorologiko askotan 40 gradutik gorako tenperaturak neurtu zituzten. Aste osoan zehar tenperaturak oso altuak izan ziren.
Uztaila, ordea, oasia izan zen ekain amaierako eta abuztuko beroaldien artean.
Uda gero eta luzeagoak
Tenperatura altuez gainera, muturreko beroa egin duen egunen eta egun oso beroen kopurua ugaritu egin da. Izan ere, esan daiteke uda luzatu egin dela, tenperatura altuak ekainetik urrira bitartean izaten ditugu eta gaur egun. 2024an, esate baterako, urrira arte izan ziren batez besteko egun epelak, 20 graduren bueltakoak.
BATEZ BESTEKO TENPERATURA, EGUN ETA ERKIDEGOKO (2022-2025)
Lurra berotzen ari da, baita itsasoa ere. Bildutako datuek argi erakusten dute itsasoko uren tenperatura igo egin dela, batez beste, hilabete guztietan, eta igoera hori areagotu egiten da udako hilabeteetan.
Bilboko portuko buia inguruan 2 gradu berotu da ura uztailean, azken 10 urteetan.
ITSASOKO TENPERATURA
Zure interesekoa izan daiteke
Albiste izango dira: Leon XIV.a aita santua Kanarietan, medikuen greba eta 2026ko Munduko Futbol Txapelketa
Gaurkoan Orain-en albiste izango direnen laburpena, bi hitzetan.
Ezohiko Munduko Txapelketa gaur hasiko da: 48 selekzio, hiru herrialde eta 104 partida
Ikusminaren eta polemikaren erdian hasiko da gaur txapelketa: zaleek, epaileek eta selekzio parte-hartzaile batzuek Estatu Batuetan sartzeko arazoak salatu dituzte.
Ramon Lazaro Tudelanoko presidente ohia aske utzi dute behin-behinean, baina Estatutik irteteko debekuarekin
Ikerketaren buru den instrukzioko epailearen ustez, partiden emaitzak moldatzen zituen kirol-ustelkeria sare baten burua da. Zuzendu zuen klubetako dirua bereganatzea ere leporatu dio.
Jose Ignacio Lopez de Arriortua, "Superlopez", hil da
Zornotzarra jaiotzez, automobilgintzan izan zuen ibilbide oparoarengatik izan zen ezaguna.
Martxoaren 3ko sarraskia oroitarazteko artelan berri bat egin dute Gasteizen, jatorrizkoaren gainean
Gasteizko Zaramaga auzoan, Martxoaren 3ko sarraskian oinarritutako jatorrizko muralaren gainean artelan berri bat egin dute. Pinturak 180 metro koadroko azalera hartzen du, eta jatorrizkoaren konposizioa eta aldarrikapen-mezua errespetatzen ditu.
Euskadi eta Nafarroa, % 95etik gorako emaitzekin unibertsitatera sartzeko probetan
24.700 ikasletik gora aurkeztu dira Hego Euskal Herrian, eta hizkuntza-ereduen arabera aldeak nabarmenak dira: Euskadin, euskaraz ikasi dutenen % 96,80k gainditu dute proba, eta gaztelaniazko ereduan %89,71k; Nafarroan, berriz, bi hizkuntza-ereduek %96tik gorako gainditze-tasak izan dituzte.
Honelakoa izango da 4.000 pertsonatik gora bilduko dituen EHUren graduazio-ekitaldia: txapelak, bertsolariak eta Palestinarekiko elkartasuna
Graduazio bateratua egingo du EHUk, estreinakoz, ostiral honetan, San Mamesen. Nøgen eta Janus Lester musika-taldeek eta Maialen Lujanbio eta Amets Arzallus bertsolariek girotuko dute ekitalditzarra.
EAEko Justizia Auzitegi Nagusiak berretsi egin du adingabeei sexu-hurbilketa egiteagatik Irungo irakasle bati ezarritako zigorra
Epaimahaiak atzera bota du irakasleak Gipuzkoako Probintzia Auzitegiaren epaiaren aurka jarritako errekurtsoa, eta 4 urte eta erdiko kartzela-zigorra bete beharko du, eta, behin irtenda, lau urtez egongo da zaintzapean aske. Ebazpena ez da irmoa, eta errekurritu egin daiteke, Auzitegi Nagusian bertan.
Nahi duzun karrerara sartzeko gutxieneko nota atera ez baduzu, zer egin?
Nahi den karreran sartzeko gutxieneko nota ez lortzeak ez ditu ate guztiak ixten, eta itxarote-zerrendak, antzeko graduak eta Lanbide Heziketa aukera baliagarriak izan daitezke. EHUko eta Batxilergoko orientatzaileek eta Lanbide Heziketako adituek adierazi dutenez, ikasleek bide alternatiboak dituzte nahi duten karrera horretan sartzeko.
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.