Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Abian da 2025-2026 ikasturtea Euskal Autonomia Erkidegoan, eta, indarrean da, horrekin batera, Eskola Segregazioaren aurkako Itun Sozialaren aldeko mahaia, sistema "kohesionatuago, inklusiboago eta justuago" bat eraikitzeko bide-orria markatuko duena, alegia. Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian egin dute Eskola Bikaina Denontzat programaren lehen bilera, segregazioa murriztea asmo, ikasturtearen hasiera ofizialarekin bat eginez.
Jaurlaritzak 50 hezkuntza-eragileri diagnostiko bana banatu die, sistemak hurrengo urteetan izango dituen erronka nagusiak aletzen dituena. Foroaren xedea da hezkuntza-sistema eraldatzeko, eskola-segregazioa murrizteko, emaitzak hobetzeko eta eskola-eraginkortasuna indartzeko neurri "iraunkorrak eta egingarriak" adostea.
Lehendakariaren arabera, “sistemak aldaketa izugarriei egin behar die aurre, eta aldaketa horiek ez dute etenik izango”. Hala, uste du beharrezkoak direla “berrikuntza eta egokitzapena”. “Aldaketa horien aurrean adabakiak ez dira aski”, esan du, eta horregatik “sistema sendotu eta prestatu behar dugu”, adierazi du. Oinarriak orain jarri behar direla iritzi dio Pradalesek, “epe laburrean ez ezik, etorkizunean ere kalitatezko hezkuntza bermatzeko, ikasle guztientzat”.
Ildo horretan, adierazi du azken bi ikasturteetan 13.000 matrikula gutxiago erregistratu direla ikasleen hasierako etapetan, jaiotza-tasaren beherakada dela eta.
Era berean, azpimarratu du 2020-2021 ikasturtean 2.500 ikasle matrikulatu zirela ikasturtea hasita zegoela, eta 2024an, berriz, 8.000. Ikasle horietako asko, zehaztu duenez, beste herrialde batzuetatik etorri dira, "hezkuntza-ibilbideak etenda dituzte, ez dakite euskaraz eta, kasu batzuetan, ezta gaztelaniaz ere, eta hezkuntza-laguntzako berariazko premiak dituzte".
Mahaiak administrazio publikoak, sindikatuak, unibertsitateak, itunpeko patronalak, alderdi politikoak eta erakunde sozialak biltzen ditu. Parte-hartzaileen artean daude, esaterako EAJ, PSE-EE, EH Bildu, PP, LAB, UGT, CCOO, UNICEF, Save the Children eta EHIGE erakundeak.
ELA eta Steilas sindikatuak ez dira lehen bilera horretan izan. Steilas sindikatuak ohartarazi du segregazioari aurre egiteko hezkuntza-politikak "kontrako norabidean" doazela, eta, horregatik, ez dute Eusko Jaurlaritzak martxan jarritako mahaian parte hartuko.
Ia 340.000 ikaslek hasi dute ikasturtea
Mahaia 2025-2026 ikasturtearen hasierarekin batera jarri da abian. Aurten Euskadin 339.586 ikaslek hasi dute eskola: % 78,75, D ereduan, eta % 52 inguru, sare publikoan.
Jaiotza-tasak behera egin duen arren, azken bost urteetan matrikula bizia hirukoiztu egin da, 8.000 ikasle izan ziren iaz. Gainera, Lanbide Heziketako ikasle kopuruak gorantz jarraitzen du, 49.555 ikasle izateraino.
Zure interesekoa izan daiteke
Tenperatura altuen aurrean babesteko deia egin du Bilboko Udalak, eta 6 hondartza berde atondu ditu
Asteburu honetako bero boladaren aurrean, Udalak gogorarazi du 134 aterpe klimatiko dituela, eta biztanleen % 96k etxetik 300 metro baino gutxiagora dutela horietakoren bat.
Desobedientziarekin erantzun diote Seaskako ikasleek baxoko matematika azterketari
Hego Euskal Herrian selektibitatea amaitu ostean, gaur abiatu da Ipar Euskal Herrian baxoa. Seaskako ikasleek desobedientzia ekintza egin dute, eta ofizialki frantsesez egin behar duten matematikako azterketa euskaraz egin dute. Baxoa osorik euskaraz egin ahal izatea eskatzeko elkarretaratzea egin dute.
Borondatezko abortuak Osakidetzan egiteko proiektu pilotu bat abiatuko du urrian Eusko Jaurlaritzak
Gaur egun, osasun arrazoiengatik egiten diren abortuez bakarrik arduratzen da Osakidetza, eta zentro pribatuetara bideratzen ditu beren borondatez haurdunaldia eten nahi duten emakumeak.
Trafiko murrizketa handiak izango dira Bilbon EHUren graduazio ekitaldiak eta Iberdrolaren urteurrenak eraginda
Murrizketa handienak 20:00etatik aurrera izango dira, orduan hainbat kale eta Salbeko eta Deustuko zubiak itxiko baitituzte.
EHUk graduazio ekitaldi handia egingo du gaur San Mamesen
Lehen aldiz, Euskal Herriko unibertsitate publikoan ikasketak amaitzen dituzten gradu eta graduondoko azken urteko 4.000 ikasle baino gehiago bilduko dira ekitaldi bakarrean. Jaia 18:30ean hasiko da, eta, besteak beste, Nogen eta Janus Lester taldeak eta Maialen Lujanbio eta Amets Arzallus bertsolariak arituko dira bertan.
Oztopoen aurrean 'sare sendo bat' osatzen dutela adierazi dute 115 zentroetako lehendakariek
Euskal Herriko 115 ikastoletako lehendakariek agerraldi jendetsua egin dute gaur arratsaldean Hernanin (Gipuzkoa). Azken boladan izandako auzien balorazioa egiteko eta emandako erantzun kolektiboaren balioa goratzeko agerraldia izan da. Ekitaldian, Oier Sanjurjo Nafarroako Ikastolen Elkarteko lehendakariak, Erik Etxart Seaskako lehendakaritzako kideak eta Nekane Artola Ikastolen Elkarteko lehendakariak hartu dute hitza. Azkenaldiko oztopoen aurrean ere 'indartsu eta gogotsu' arituko direla 'euskarazko hezkuntza baten alde' adierazi dute. Bi kasu aipatu dituzte bereziki: Lodosako kasua: Nafarroako Gobernuak Ibaialde ikastolari Haur Hezkuntzako ituna kentzeko egindako saiakera eta eskualdeak emandako babesa. Baxoaren borroka: Ipar Euskal Herrian azterketak euskaraz egin ahal izateko ikasle zein eragileek erakutsitako konpromisoa.
Leon XIV.a Kanaria Handian: "Giza duintasunak ez du pasaporterik"
Espainiara egindako bisitan, Aita Santuak Arguineguin herriko kaia bisitatu du, Kanaria Handiaren hegoaldean. Bertara iristen dira Afrikako migratzaileak dakartzaten txalupetako asko. Ekitaldian, testigantza oso gogorrak entzun dira, eta Leon XIV.ak gizakiaren duintasuna defendatu du.
Gorpu bat topatu dute Iruñean, kale erdian, indarkeria zantzuekin
Gorpua 16:30 aldera topatu dute, Etxabakoitzeko igogailuaren ondoan dagoen lorategi batean, Iruñeko Remiro de Goñi kalean, eta "lehen zantzuen arabera, indarkeriazko heriotza izan da".
"0" kalifikazioa jarri diete zortzi ikasleri USaPeko euskara azterketan, EHUren akats informatiko baten ondorioz
Bizkaiko epaimahai batean izan da akatsa, eta "0" batekin ez aurkeztutako gisa gaizki kalifikatu ziren notak. Unibertsitateak akatsa atzeman du, aktak berrikusi ditu eta nota errealak sartu ditu sisteman, eta dagozkien zentroei jakinarazi die.
Eusko Jaurlaritzak abian jarri du tigre eltxoaren aurkako plana, EAEko 72 udalerritan atzeman ostean
Zaintza ekainaren 15ean hasiko da, eta udazkenaren erdialdera arte iraungo du, tigre eltxoaren jarduera handieneko aldia. Gutxienez 72 udalerritan detektatu da dagoeneko, EAEko biztanleriaren zati handi bat hartzen duten udalerrietan. Horregatik, espezie inbaditzaile horren aurkako prebentzioa areagotu egin da, udalerriekin lankidetzan batez ere.