EHUk graduazio ekitaldi handia egingo du gaur San Mamesen
Lehen aldiz, Euskal Herriko unibertsitate publikoan ikasketak amaitzen dituzten gradu eta graduondoko azken urteko 4.000 ikasle baino gehiago bilduko dira ekitaldi bakarrean. Jaia 18:30ean hasiko da, eta, besteak beste, Nogen eta Janus Lester taldeak eta Maialen Lujanbio eta Amets Arzallus bertsolariak arituko dira bertan.
Dena prest dute San Mamesen gaur EHUk lehen aldiz egingo duen gradu eta graduondo amaierako ekitaldi bateraturako. Aurten EHUn ikasketak amaitzen dituzten 4.000 ikasle inguru elkartuko dira, eta, besteak beste, Nøgen eta Janus Lester musika taldeak eta Maialen Lujanbio eta Amets Arzallus bertsolariak arituko dira oholtza gainean.
Ikasketak amaitzera doazen eta izena eman duten ikasleak 16:00etarako deitu dituzte San Mames inguruan jarriko diren hiru photocall guneetan, egun handia betikotzeko aukera izan dezaten euren senide, lagun eta ikaskideekin.
EHUren gradu eta graduondo amaierako ekitaldi bateratua zuzenean jarraitu ahal izango da Orain-en eta ETB ON plataforman, 18:30etik aurrera.
Sarrerak salgai daude oraindik, EHUren webgunean, 19,95 euroan.
Birretak barik, txapelak banatuko dituzte
San Mamesko katedralak aulki bana izango du izena emandako ikasleentzat, fakultate eta jakintza arloen arabera antolatuta. Protokoloari hasiera emateko, ikasleek desfile ikusgarria egingo dute, bakoitzak bere diziplinari dagokion koloreko banda soinean duela. Aurten berrikuntza nagusi gisa, EHUk txapela emango die graduatuei, birretak eman beharrean.
Parean agintarientzat gordetako agertokia egongo da, eta doktoreek lehen lerroak hartuko dituzte, aurrekaririk gabeko ekitaldi bati hasiera emateko.
Ekitaldia hiru pantaila erraldoiren bidez jarraitu ahal izango da.
Musika zuzenean eta bertsoak
Oholtza gainean, Nøgen eta Janus Lester taldeak arituko dira. Nøgen taldeko abeslaria, Ane Negueruela, medikuntza arloan ari da lanean, EHUn graduatu ondoren; Janus Lester, berriz, Jokin Pinacho Kimikan doktoreak gidatzen du. Bertsoak ere bere tartea izango du gaurko ekitaldian, Maialen Lujanbio eta Amets Arzallus bertsolarien eskutik; Euskal Herriko Bertsolari Txapelketa Nagusiko txapeldunak dira biak, baita Arte Ederretako eta Kazetaritzako ikasle ohiak ere.
Bestalde, zientziak ere bere lekua izango du Juan Ignacio Perez Iglesias sailburuak emango duen "Iraganaren etorkizuna" hitzaldiarekin.
Palestinarekiko elkartasuna
EHUk ikasturte hasieran abiatutako giza konpromiso irmoari eutsiko dio, palestinar herriari babesa agertuz, eta Sol Band Gaza taldeko abeslariak emanaldi hunkigarria egingo du.
Ikasle ohiei omenaldia
EHUko Zuzendaritzak 2026ko EHUalumni sariak banatuko ditu, erakundearen balioak zintzotasunez islatzen dituzten profesionalak omentzeko. Hauek sarituko dituzte aurten: Sofia Arribas arkitektoa, Itxaso Ariza ingeniaria, Iñigo Lamarka abokatua, Teresa Madariaga ekonomialaria, Iraia Iturregi futbolari ohia eta Carmen Mijangos Zientzia eta Teknologia Fakultateko ikertzaile aitzindaria.
Zure interesekoa izan daiteke
48 ordu Espainia erdialdean sua geldiarazteko, beste bero bolada bat iritsi aurretik
Madrilgo eta Avilako suteen fronteak San Juan urtegiaren parean elkartu dira. Bi suteen artean, 80.000 hektarea baino gehiago erre dira jada.
Vall d'Uixoko suteek 8.500 hektareak erre dituzte jada, baina egoerak hobera egin dezake gauean
Goizean ezin izan dituzte aire bidezko baliabideak erabili keagatik. "Gauari begira, aurreikuspen meteorologiko nahiko onekin iritsiko gara, mendebaldeko haize nahiko leunarekin, eta horri esker lan egin ahal izango dugu", azaldu du du zuzendari operatiboak.
Polemika piztu dute Palmako masifikazio turistikoaren aurkako manifestazioaren ondorengo kargek
Polizia Nazionalak gogor kargatu zuen Palman igandean, masifikazio turistikoaren aurkako protestaren ondoren. Talde bortitzei erantzun gisa justifikatu du Poliziak bere burua baina Espainiako Gobernuko ordezkariak zalantzan jarri du jokabidea. Zaurituen artean Xavier Hurtado fotokazetaria dago eta Balearetako Kazetarien sindikatuak babes osoa eman dio.
Donostiako Aste Nagusiak 416 jarduera izango ditu hiriko 30 gunetan banatuta
Donostia prest dago zortzi eguneko festari hasiera emateko. Abuztuaren 8tik 15era ospatuko dute Aste Nagusia, programa zabal batekin, eta, gainera, bitxikeria bat ere kontuan izango dute aurtengo jaietan: abuztuaren 12an izango den eklipsea.
El Bocal auziko epaileak atzeratu egin du Dragados enpresako ordezkariaren deklarazioa
Perituen azalpenak entzun ondotik erabaki zuen instrukzio epaileak enpresa kontratistako lege arduraduna ere deklaratzera deitzea, ikertu gisa.
Bi emakume zauritu dira Alesbesen trafiko-istripuz
12:36 inguruan izan da ezbeharra, NA-660 errepidean. Zauritutako bi emakumeak, 85 eta 31 urtekoak, Tuterako Reina Sofia Ospitalera eraman dituzte.
Behin-behinean espetxean jarraituko du sanferminetan emakume bat bortxatzeagatik ikertzen ari diren gizonak
Autoan, epaileak berretsi du biktimak konortea erdi galduta zuela sexu-erasoa egin ziotenean. Deklarazioan, akusatuak esan zuen emakumeak baimendutako sexu-harremana izan zela.
Behin-behinean aske utzi dute Tuteran sexu eraso bat egitea egotzita atxilotutako mutila
Larunbat gauean izan zen erasoa Tuteran eta ordu batzuk geroago atxilotu zuten ustezko erasotzailea.
Gipuzkoako umeen eta nerabeen bizimodu gogobetetasun indizea 9,1 puntukoa da
Gipuzkoako Foru Aldundiak astelehen honetan aurkeztu duen ZmZ ikerketak haurren eta nerabeen ongizateari buruzko pertzepzioa jaso du, eta lurraldeko aisialdi hezitzaileko zerbitzu publikoak hobetzeko erabiliko da.
Albiste izango dira: suteak, sexu-erasoak Bilbon eta Tuteran, eta Donostiako Aste Nagusiko programazioaren aurkezpena
Gaurkoan Orain-en albiste izango direnen laburpena, bi hitzetan.