Bi emakume zauritu dira Alesbesen trafiko-istripuz

Bi emakume zauritu dira gaur eguerdian, Alesbesen, trafiko-istripuz. Antza, autoa bidetik atera da, eta, ondorioz, emakume bat larri dago eta bestea arin zauritu da.

SOS Nafarroa larrialdi-zerbitzuak jakinarazi duenez, 12:36 inguruan izan da ezbeharra, NA-660 errepideko 12,9 kilometroan. 85 eta 31 urte dituzte zauritutako emakumeek; aurrenak kolpeak eta urradura arinak ditu, eta bigarrenak, berriz, buruan kolpe larria hartu du. 

Tuterako Reina Sofia Ospitalera eraman dituzte biak, eta han daude ingresatuta.