51 zaurituk ospitaleratuta jarraitzen dute, 10ek egoera kritikoan
Guztira 51 lagunek ospitaleratuta jarraitzen dute Kataluniako hainbat erietxetan, eta horietatik 10 egoera kritikoan daude, ostegunean Bartzelonan eta Cambrilsen (Tarragona) izandako atentatuen ondorioz.
Horietatik 15 larri daude (Bartzelonako 13 eta Cambrilseko 2), 25k zauri arinagoak dituzte (Bartzelonako 23 eta Cambrilseko 2) eta batek zauri arinak ditu (Bartzelonakoa).
Halaber, hildakoen artean Australiako 7 urteko umea dagoela jakinarazi dute. Azken egunotan asko zabaldu da haren argazkia desagertuta zegoelako. Auzitegiko medikuek bi hildako gehiago identifikatu dituzte: italiar bat eta belgikar bat.
Horrela eman du aditzera Toni Comin Generalitateko Osasun sailburuak Catalunya Radio irrati-kateari egindako adierazpenetan. Cominek azaldu duenez, zaurituen egoera oso aldakorra da. Gainera, administrazioen arteko koordinazioaren eraginkortasuna eta boluntarioen lana goratu ditu.
Bartzelona eta Cambrilseko atentatuek 14 hildako utzi dituzte orain arte, eta haien nortasunak argitzen joan dira ostiral honetan.
Manifestazioa deitu dute larunbaterako
Kataluniako Generalitateak eta Bartzelonako Udalak elkarretaratzea deitu dute hurrengo larunbaterako, abuztuak 26, 18:00etan, bakearen alde eta aste honetan Kataluniako hiriburuan eta Cambrilsen (Tarragona) izandako eraso terroristen kontra.
Hala jakinarazi dute larunbat honetan Carles Puigdemont Kataluniako Gobernuko presidenteak eta Ada Colau Bartzelonako alkateak, Udalak doluminak agertzeko duen liburuan sinatu ostean egindako agerraldian. "Administrazio, erakunde eta elkarte guztiak bat egitera gonbidatzen ditugu, milaka pertsona izan gaitezen", esan du Ada Colauk.
'No tinc por' (Ez dut beldurrik) lelopean, manifestazioa Bartzelonako Catalunya plazan amaituko da. Ostiralean egindako minutu bateko isilunea txalo artean eta garrasi ozen horrekin amaitu zen. Ondorioz, aste honetan izandako erasoa salatzeko 'leloa' bihurtu da milaka herritarrek sare sozialetan egindako garrasi hori.
Hildako 12 lagun identifikatu dituzte
Bartzelonako eta Cambrilseko erasoetan hildako hamalau pertsonetatik bederatzi identifikatu dituzte auzitegiko medikuek. Hala, oraindik bost lagun identifikatu behar dituzte.
Orain arte identifikatutako hildakoen jaioterriei dagokienez, lau espainiarrak dira, bi portugaldarrak, bat estatubatuarra, bi italiarrak eta bat australiarra. Halaber, Cambrilsen hil zen emakumea Zaragozako bizilaguna dela baieztatu dute.
Zure interesekoa izan daiteke
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.