Juana Josefa Goñi eta haren seme-alabak omendu dituzte Gaztelun
1936ko abuztuaren 30ean hildako Juan Josefa Goñi Sagardia eta haren sei seme-alabak omendu dituzte larunbat honetan Gaztelun Nafarroako Gobernuko ordezkariek, oroimen historikoaren alde lan egiten duten elkartek eta Gazteluko bizilagunek.
Azken hilabeteetan Juana Josefa eta haren semeen gorpuzkiak aurkitu dituzte Legarreako leizean. Guda Zibilean desagertu ziren, eta haien desagerpena eta hilketa gogora ekartzeko ekitaldia egin eta monolitoa inauguratu dute han bertan.
Geroago, senideei eman dizkiete horien gorpuzkiak, eta Goñi-Sagardia familiari omenaldia egin diote. Ekitaldi hartan agintari publikoak izan dira, tartean, Ana Ollo Herritarren eta Erakundeen Harremanetarako kontseilaria, Isabel Elizalde Landa Garapenerako, Ingurumenerako eta Tokiko Administraziorako kontseilaria, udal ordezkariak eta auzokideak, Nafarroako Gobernuak ohar baten bidez jakinarazi duenez.
Eskerrak
"Egindako lana" eskertu dio Ollok Gazteluko Udalari, eta azaldu du pertsona askok eta oroimenaren alde lanean diharduten elkartek posible egin dutela Juana Josefa Goñi Sagardi eta sei semeen gorpuzkiak lurpetik ateratzea, besteak beste, Nafarroako Gobernuak berak, Aranzadi Zientzia Elkarteak eta Satorrak espeleologia taldeak.
"Gaur, 81 urteren buruan, erakundeek, elkarteek, senideek eta gizarteak oro har omenaldi honetan eta biktima inozo horien aitorpenean parte hartu dugu, atseden duina aurkituko dutelakoan eta behin betiko irakaspena utzi digutela", adierazi du Ollok.
Zure interesekoa izan daiteke
Joko areto baten kontra protesta egiteagatik auzipetutako Sopelako lau gazteen kontrako epaiketa atzeratu dute, datarik gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.