Bertan behera geratu dira Jon Barcena bilatzeko lanak Gorbeian
Jon Barcena 19 urteko berriztarra Gorbeia mendi inguruetan bilatzeko lanak bertan behera uztea erabaki du Eusko Jaurlaritzako Segurtasun Sailak. Gaztearen arrastoa larunbatean galdu zuten, lagunekin mendira joan eta, ondoezik zegoela eta, buelta ematea erabaki zuenean.
Laugarren egunez, gaztearen bila ibili dira gaur Gorbeian, baina beste leku batean egon daitekeen "zantzuak" azaldu dira, eta hori dela eta, Ertzaintzaren esku geratu da ikerketa.
Josu Zubiaga Segurtasun sailburuordeak Gopegiko boluntarioen zentrora egindako bisitan azaldu duenez, "Gorbeiatik kanpo dagoen aztarnak agertu dira".
"Hipotesi guztiak, zabalik"
Gerora, ETBri eskainitako elkarrizketa batean, xehetasun gehiago eman ditu Zubiagak. Argitu duenez, Jon Barcena Gorbeia menditik gertu dauden "zenbait herritan" ikusi dutela esan dute hainbat pertsonak. Horrez gain, gaztearen objektu pertsonal batzuk (bere diru-zorroa eta giltza batzuk) topatu dituzte Legution.
19 urteko berriztarra nahita desagertu ote den galdetuta, "hipotesi guztiak zabalik" daudela erantzun du Zubiagak. "Baliteke nahita desagertu izana, galduta edo nahastuta egotea. Hipotesi guztiak ditugu zabalik", erantsi du.
Zubiagaren arabera, orain "zantzu guztiak" bilduko ditu Ertzaintzak, eta arrastoa galdu ziotenetik gazteak egin ahal izan duen "ibilbidea zehazten" saiatuko da. Ikerketa poliziala zabalik dagoela gogorarazi du Zubiagak.
Eskerrak eman dizkiete bila ibili diren ehunka pertsonari
Eusko Jaurlaritzak lau egun hauetan boluntarioek eta Larrialdi Zerbitzuetako kide profesionalek egindako lana eskertu du.
Berrizko gaztea larunbatean, abenduaren 30ean, desagertu zen. Goizean Gorbeiara igotzen hasi zen mutila, Araba aldetik, lagun talde batekin, baina ondoezik zegoela eta, buelta eman zuen, eta lagunek goraka jarraitu zuten.
18:45 aldera, menditik jaitsi eta ez zuten aurkitu, eta horregatik, larrialdi zerbitzuetara deitu zuten.
Ordutik Barcenaren bila aritu dira ehunka pertsona Gorbeian, alferrik.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.