Eusko Jaurlaritzak enpresa-sorkuntza eta alokairua bultzatu nahi ditu gazteen artean
Eusko Jaurlaritzak 2018tik 2021ra arte garatuko duen IV. Gazte Planak hainbat ekintza ditu aurreikusita, xede izanik enpresa-sorkuntza bultzatzea, gazteen lan-baldintzak hobetzea, eta, alokatzearen bidez, emantzipazioaren alde egitea. Hala esan du, prentsa-ohar batean, Beatriz Artolazabal Enpleguaren eta Gizarte Politiken sailburuak.
Artolazabalek dioenez, planak bost ardatz estrategiko ditu. Ardatz horiek ondorengo arlo hauetan daude: emantzipazioa eta autonomia, ongizatea eta bizitza osasuntsua, berdintasuna eta inklusio soziala, parte-hartzea eta konpromiso soziala, eta sozializazioa. Guztira, 23 helburu eta 65 ekintza-lerro ditu.
Sailburuak onartu du erronka dela enpleguaren eta emantzipazioaren alde egitea; hala, Eusko Jaurlaritzak hainbat ekintza bultzatuko ditu, "hezkuntzaren arlotik lan-merkaturako bidea arinagoa izan dadila"; zenbait neurri ere abiatuko ditu, enpresa-sorkuntza sustatzeko, eta euskal gazteen lan-baldintzak hobeak izan daitezen.
Etxebizitzari dagokionez, aurreikusita dago gazteei erreserbatzea babes ofizialeko etxebizitzak, bai eta gazteen alokairuaren alde egiteko zenbait formula berri eta neurri. IV.
Gazte Planak, horrez gain, beste gai hauetan ere du aurreikusirik jardutea: kirolean, aisialdian, kulturan, kontsumoan, parte-hartzean, mugikortasunean eta berdintasunean.
Planak diagnostiko bat izan du abiapuntu
Plan berriak diagnostiko bat izan du abiapuntu; hain zuzen, baieztatu da gazteen pisuak behera egin duela, gizartean, eta seme-alabak izateko batez besteko adina 30 urteetatik gora kokatzen dela.
Enpleguaren arloan, Artolazabalek gogorarazi du azken datuek zehazten dutela langabezia-tasak behera egin duela, eta lana duten gazteen batez besteko soldata hileroko 1.000 bat eurokoa dela.
Norbere konturako lanak presentzia txikia du, bai eta nork bere buruari lana emateko joerak ere. Batez besteko emantzipazio-adina, Europan ohikoa dena kontuan izanik, berantiarra da.
Hainbat Sailek hartu dute parte
Sailburuak azaldu ere azaldu du IV. Gazte Planak aurrekoen ildoei eusten diela; hala nola, integrala, zeharkakoa eta Sailen artekoa izatea, eta herritarren parte-hartzeari irekita egotea. Eusko Jaurlaritzaren zenbait Sailek hartu dute parte Plana prestatzeko.
Aurreko Gazte Planerako, 575 milioi euro erabili zituzten, hiru urtez, eta guztira 686 ekintza egin zituzten; hau da, urtean 200 baino gehiago.
Albiste gehiago gizartea
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.