Eusko Jaurlaritzak alokairuko 162 etxebizitza eraikiko ditu Txurdinaga eta Arangoitin
Eusko Jaurlaritzak alokairuko 162 etxe eraikiko ditu Bilbon, gazteentzako 107 pisu Txurdinagan eta 55 etxebizitza sozial Arangoitin. Aurreikuspenen arabera, udako oporren aurretik esleitu, lanak irailean hasi eta bi urteko epean eginda egongo dira.
Iñaki Arriola Eusko Jaurlaritzako Ingurumen, Lurralde Politika eta Etxebizitza bi proiektuak aurkeztu ditu gaur goizean Bilbon.
Lehen proiektuaren baitan, 107 etxe eraikiko dira 35 urte arteko pertsonentzat. 2.082 metro koadroko azalera duen lorategi-lurzati batean eraikiko da, Orueta kalean. behe-solairua eta lau altuera izango ditu, 107 aparkaleku plaza eta 43 trasteleku. 107 etxebizitza horietatik 81ek dependentzia bakarra izango dute eta gainerako 26ak, berriz, logela bat. Azken horietako hiru gainera mugikortasun urria duten pertsonentzat egokituta egongo dira. Proiektuak 10,6 milioi euroko aurrekontua izango du.
Alokairurako etxebizitza horietarako aurreikusi den gehieneko epea bost urtekoa da, asmoa ez baita gazte esleipendunak apartamentu horietan behin betiko geratzea, aldi horretan familiartean bizitzeko etxebizitza egonkorrago bat aurkitzea baizik. Kanon bat ordainduko dute hilero, bizitokiaren eta beren errentaren arabera (250 eta 300 euro artean).
Bigarrenak, berriz, Arangoitin 55 etxebizitza sozial eraikitzea du helburu. Proiektua Ganeta mendiko hegoaldeko hegalean egingo da, ur-deposituaren ondoan. Proiektua, nolanahi ere, aldapa handiak baldintzatzen du. Hori dela eta, mailakako bi bloke eraikiko dira, bata 24 etxebizitzakoa eta bestea 31koa. Bi blokeetarako sarbidea emango duen gune bat egongo da tartean. Aurreikusitako inbertsioa 5,2 milioi eurokoa da.
Etxebizitzak esleitzeko garaian hautagaien diru-sarrerak zenbatekoak diren eta Etxebiden noiztik izena emanda dauden hartuko da kontuan.
Etxebiden alokairuko etxebizitza bat eskatzeko izena eman duten 51.171 pertsonetatik, 10.524 logela bateko etxebizitzak eskatzen dituzten 35 urtetik beherako gazteak dira. Etxebiden izena emanda daudenetatik 28.000k Bilbon nahi dute etxea.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.