Errefuxiatu bakoitzeko 6.000 euro emateko asmoa du Bruselak
Europar Batasunean migratzaileen 'zentro kontrolatuak' finantzatzeko proposamena jakitera eman du astearte honetan Europako Batzordeak. Horrela, erreskate barkuei lehorreratzeko baimena ematen dieten Mediterraneoko herrialdeak lagundu nahi ditu Bruselak. Gainera, Estatu kide batek onartzen duen errefuxiatu bakoitzeko 6.000 euroko diru-laguntza emango du Europako Batzordeak.
Zentroak Estatuek kudeatuko dituzte, baina Batzordearen eta Europako agentzien “erabateko babes” logistiko eta ekonomikoa izango dute. Horrela, portuetan, Frontexek, Europolek eta Europako Asilo Laguntzarako Bulegoak zehaztuko dute nazioarteko babeserako eskubidea duten etorkinak eta jaioterrira itzuliko diren pertsonak.
Litekeena da, EBk aldi baterako neurriak datozen egunetan onartzea; Mediterraneoko uretan erreskatatutako migratzaileen lehorreratzea antolatzeko lankidetza marko berri bat “lehenbailehen” martxan jartzeko; izan ere, EBren babes ekonomikoa eta logistikoa zehaztu dute dagoeneko.
Bestalde, Afrikako iparraldean “lehorreratze zentroak” sortzea proposatu du Europako Batzordeak, Nazio Batuen Errefuxiatu Agentziarekin eta Migraziorako Nazioarteko Erakundearekin “lankidetza estuan”. Europan izango diren zentroen osagarri bezala funtzionatuko lukete.
Estatu kide bateko erreskate ontziek nazioarteko uretan erreskatatzen dituzten migratzaileak Afrikako iparraldeko herrialde seguruetan lehorreratzeko aukera izango dute, Aljeria, Tunisia edo Egipton esaterako. Hala ere, herrialde horiek zentroak hartzea onartu beharko dute.
Uztailaren 30ean bilera egingo dute Genevan. EBko Estatu kideak, Mediterraneoko herrialde guztiak, Afrikako Batasuna, Nazio Batuen Errefuxiatu Agentzia eta Migraziorako Nazioarteko Erakundeko ordezkariak bilduko dira, lankidetza estrategia eragile guztiekin eztabaidatzeko asmoarekin.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Gertatutakoa salatzeko, Itaiak elkarretaratzea deitu du gaur "Eraso matxistei aurre egin!" lemapean, 19:30ean, Azkoitiko plazan.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.