Durex kondoi sorta bi kendu dituzte dendetatik, hausteko arriskuagatik
Durex preserbatibo markak ekoitzitako bi produktu sorta kendu dituzte dendetatik, haustura arriskua handia omen dutelako, Osasun Ministerioaren baitan dagoen Sendagaien eta Osasun Produktuen Agentzia Espainiarrak (AEMPS) jakinarazi duenez.
Erakundeak ohar baten bidez adierazi duenaren arabera, Reckitt Benckiser Healthcare SA enpresa banatzaileak berak eman zuen neurriaren berri, 2018ko hasieran ekoitzitako bi sorta horietako kondoiek iraunkortasun probak gainditzen ez dituztelakoan.
Hain zuzen, baldintzak betetzen ez dituzten produktuak Durex Real Feel (12 unitateko kutxak) eta Durex Sin Latex (12 unitatekoak) marketakoak dira. Edozein zalantzaren aurrean, 900 300 026 telefonora deitzea eskatu du enpresak.
Emandako informazioaren arabera, produktu sorta batzuek hausteko proba (balio-bizitzaren azken partean) gainditzen ez dutela atzeman du ekoizleak, eta, hortaz, baliteke kondoia apurtzea erabiltzen ari den bitartean.
Hala, Durex enpresako ordezkariak banatzaile, botika eta dendekin harremanetan jarri dira Espainian, produktu horiek merkatutik kentzeko prozesua azaltzeko.
Gainera, enpresaren webgunean informazioa publikatu dute, erabiltzaileak jakinaren gainean jartzeko.
Albiste gehiago gizartea
Izkiko Parke Naturalak 'Starlight helmuga' ziurtagiria lortu du, zeru izartuak behatzeko ezaugarri onak izateagatik
Hautagaitzak balioa eman die duela urte batzuetatik hona landu diren ekimenei, hala nola ingurumen-hezkuntzaren eskaintza eta ingurumenaren gaineko ekintza sustatzeko neurriak.
San Fermin Txikito jaiak hasi dira Iruñeko Alde Zaharrean
Zinegotzi txikiek bota dute txupinazoa Nafarroako hiriburuko Alde Zaharreko klaretarren elizako teilatutik. Gaurtik igandera bitartean, jardueraz betetako agenda izango dute herritarrek eta bisitariek.
Eusko Jaurlaritzak Es-Alert sistemaren eraginkortasuna probatuko du urriaren 2an
Balmasedan eta inguruetan egingo da proba. Udalerri horretan kokatutako gailuetan alarma soinu bat entzungo da, eta testu-mezu bat zabalduko da. Mezuak probat bat dela adieraziko du, eta ez benetako arrisku-egoera bat.
Amaitzear da inoiz egin den mahats bilketarik laburrena
Eguraldiak eta mildiu gaitzak baldintzatuta, uzta ez da oparoa izan, baina amaitzear den bilketa labur honetan jasotako mahatsa oso kalitate onekoa omen da.
Zupiriak salaketa jartzeko eskatu die Bernedoko udalekuetako haurren familiei, deliturik dagoela uste badute
PPko legebiltzarkide Ainhoa Domaicak adingabeak babestu ez izana aurpegiratu dio Segurtasun sailburuari, Jaurlaritza "beste alde batera" begira egon dela iritzita.
Sindikatuek lanuzte orokorra deitu dute Palestinaren alde urriaren 15erako Hego Euskal Herrian
Ohar batean, LAB, CCOO, Steilas, Solidari, Etxalde eta Hiru sindikatuek adierazi dute "borroka, mobilizazioa eta langileen batzarrak" izango direla Hego Euskal Herriko lantokietan.
Nolako kontrolak pasa behar dituzte udalekuek?
Bernedoko udalekuen inguruan sortutako polemikaren ostean, horiek bete beharreko baldintzen inguruko eztabaida piztu da.
Arabako Foru Aldundiak adierazi duenez, inoiz ez dute kexarik jaso Bernedoko udalekuen inguruan
Ana Del Val Kultura eta Kirol diputatuak adierazi duenez, Arabako Foru Aldundia datozen egunetan bilduko da familiekin, haien testigantzak bertatik bertara ezagutzeko. Gainera, udaleku horiei buruzko informazio guztia biltzen ari direla esan du, foru erakundeak zer neurri hartuko dituen ikusteko. "Guztiz salagarriak dira gertakari horiek", gaineratu du Del Valek.
Bernedoko udalekuen erabiltzaileak: 'Dutxatzen gintuzten bitartean, monitoreak ere biluzik zeuden'
Duela 16 urte Bernedoko udalekuetan egon ziren bi neskaren testigantzak jaso ditugu. Haien esanetan, euren garaian jada gertatzen ziren salatutako gertakariak.
Gizon batek bikotekide ohia hiru egunez atxiki du Gasteizko etxebizitza batean eta eraso egin dio
Gizona atxilotu egin dute agindu judizial bat urratzea eta bikotekideari lesioak egitea egotzita.