Maravillasekin hitz egiteko prest agertu da Barkos, baina 'huste ordenatua' eskatu du
Maravillas gaztetxeko kideekin hitz egiteko prest agertu da astearte honetan Uxue Barkos Nafarroako Gobernuko presidentea, baina "arazorik gabeko kanporatze ordenatua" eskatu dio kolektiboari. Ildo horretatik, Marques de Rozalejo jauregia gobernuaren jabegoa dela gogora ekarri du, eta okupatutako eraikina "nafar guztiena" dela azpimarratu du.
Gaztetxea husteko prozedura judiziala abian dela esan du Barkosek, eta epeak ezin direla "nahi bezala luzatu" ohartarazi die gazteei. Arrazoi horregatik, egoerari irtenbide bat bilatzeko eskua luzatu die gaztetxeko kideei.
Hala, epaileak eraikina husteko agindua eman aurretik, "inorentzako arazorik gabeko kanporatze ordenatua" egitea eskatu gazteei. Halaber, "beste lokal bat" bilatzeko prest agertu da Nafarroako Gobernuko presidentea, "autogestio proiektuak aurrera egin dezan". Dena dela, okupazioaren bidez ezin dutela beste eraikin bat okupatu esan die gaztetxeko kideei, elkarrizketarako bidea alde batera uzten baitu jarrera horrek.
Bestalde, salaketak eta eraikina husteko agindua alde batera uztea jarri ditu oinarri bezala Gaztetxea kudeatzen duen kolektiboak Nafarroako Gobernuarekin elkarrizketa hasteko. Alabaina, okupatutako eraikinaren kanporatzea "bai ala bai" egin behar dela erantzun die Barkosek.
Nafarroako Gobernuak azpimarratu duenez, elkarrizketarako deia bi helburu argirekin egin du. Alde batetik, "inorentzako arazorik gabeko kanporatze ordenatua lehenbailehen egitea" eskatu du Barkosek. Dena dela, Marques de Rozalejo jauregia gobernuaren jabegoa dela gogora ekarri du, eta okupatutako eraikina "nafar guztiena" izanik "bai ala bai" hustu behar dela ziurtatu du.
Beste alde batetik, martxan jarri duten autogestio proiektu sozialak aurrera egin dezan beste lokal bat bilatzeko prest agertu da. Ildo horretatik, gazteekin hitz egiteko prest dagoela berretsi du, baina okupazioa ezin dela irtenbide bat izan nabarmendu du.
"Nafarroako Gobernua ezin da beste alde batera begira geratu, egoerari irtenbide bat edo beste bilatu behar zaio", esan du Barkosek.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.