Albiste izango dira: Korrika zuzenean, krisi energetikoa eta Pradales-Sanchez bilera
Gaurkoan Orain-en albiste izango direnen laburpena, bi hitzetan.
Honako gai hauek hartuko dituzte gaur, 2026ko martxoaren 25ean, hedabideetako lerroburu nagusiak:
- Korrika, zuzenean: Euskararen aldeko lasterketa 07:45ean sartuko da Donostian, Irun, Hondarribia eta Lezo atzean utzita. Gipuzkoako hiriburutik kostaldera joko du berriro, Lasarte-Oriatik igaro ostean. Orio (14:47), Zarautz (15:38), Getaria (16:36), Zumaia (17:09), Itziar (17:59), Deba (18:57) eta Mutriku (19:25) zeharkatu ostean Bizkaian murgilduko da Ondarroatik barrena (20:18).
- Krisi energetikoa: Donald Trump AEBko presidentearen arabera, Iranek petrolioarekin eta gasarekin lotutako "opari handia" egin dio bere herrialdeari, zer den zehaztu ez badu ere. Hala ere, Iranek ukatu egin du Ameriketako Estatu Batuekin negoziatzen aritzea. Halaber, erregaien garestitzeak eraginda, Ondarroako bost itsasontzik arrantzara ez irtetea erabaki dute.
- Pradales-Sanchez bilera: Imanol Pradales lehendakaria Pedro Sanchez Espainiako presidentearekin bilduko da ostiral honetan Moncloan. Besteak beste, hizketagai hauek izango dituzte: Irango gerra euskal enpresa eta familietan izaten ari den eragina, medikuen greba, oraindik eskualdatzeko dauden transferentziak eta Tubos Reunidosen egoera.
Zure interesekoa izan daiteke
Gizon bat atxilotu dute Arrasateko ikasle-egoitza batean emakume bati sexu-erasoa egitea leporatuta
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak deitu ditu eguerdiko 12:00etarako, unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.