Ilargian izotza dagoela baieztatu dute
Ilargian izotza dagoela baieztatu duten "behin betiko ebidentziak" aurkitu ditu NASArekin elkarlanean aritu den Ameriketako Estatu Batuetako ikertzaile talde batek. Ilargiko Ipar Poloko eta Hego Poloko “gune ilun eta hotzenetan” aurkitu dute ur izoztua, NASAk bere webgunean jakitera eman duenez.
NASAren espazio-zunda batek aurkitu berri dituen izotz-masa horiek kraterrek sortutako itzalguneetan ikusi dituzte. Ikerketan, Moon Mineralogy Mapper (M3) zunda erabili dute, eta izoztutako ur-masa horiek ilargiaren azalera osoan zehar sakabanatuta daudela baieztatu dute. Hala, “seguruenik aspaldi sortutako ur-biltegiak” direla esan du NASAk.
Ilargiaren lurzoruan dauden kraterren barruan aurkitu dituzten izotz-masek proiektatzen duten distiraren inguruko datuez gain, ura zein egoeratan dagoen (lurrun, likido edo izoztuta) neurtu du zunda horrek.
Hego Poloan, lurzoruan sakabanatuta dauden kraterren barruan aurkitu dute izotz gehiena, baina Ipar Poloan hedatuago dago izotza, denean ez badago ere.
NASAk gogora ekarri duenez, aurretik egindako beste ikerketa batek ilargian izoztutako ura egon zitekeela frogatu zuen. Hala, aurrerantzean egingo dituzten esplorazio-misioetan kontuan hartuko duten baliabidea dela esan du espazio-agentziak. Halaber, lurzoruan aurkitutako izotz-masa horiek barrualdean daudenak baino irisgarriagoak direla gaineratu du NASAk.
Hala, Ilargian aurkitutako izotza nola sortu zen argitzea espazio-agentziarentzat erronka berria izango dela esan du NASAk bere webgunean.
Zure interesekoa izan daiteke
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.