Urrenen erasotzaileetako batek sei urte igaroko ditu erregimen itxiko zentro batean
Uztailaren 19an egin zuten Bizkaiko hiriburuan Ibon Urrengoetxeari (Urren) eraso egin zioten bi adin txikikoen aurkako epaiketa. Iazko abenduaren 23an Zornotzako 45 urteko futbolariari lapurtu eta eraso ere egin zioten bi gazteek. Erasoaren ondorioz, Urrenen buruak lurra jo zuen, eta bertan hil zen, kolpe handia hartuta.
Handik hilabete batzuetara, Bilboko Adin Txikikoen Epaitegian egin zuten bi gazte horien aurkako zortzi orduko epaiketa. Bi hilabete geroago, El Correo egunkariak aurreratu du, Urrenen erasotzaileetako batek sei urte igaro beharko dituela erregimen itxiko zentro batean. Gainera, hiru urte gehiago egin beharko ditu zaintzapeko askatasunean, epaileak hala erabakita.
Ahozko epaiketan, 13 urteko gaztea ere egon zen. Izan ere, bai lapurretan eta, baita, Zornotzako bizilagunari ondoren egindako erasoan ere parte hartu baitzuen berorrek. Halere, duen adinagatik, gazte horri ezin izan diote zigorrik jarri.
Ertzaintzak egindako ikerketak ondorioztatu zuenez, abenduaren 23an, 04:20an, Erripa kaletik gertu, akusatuak ostikada bat eman zion Urreni, lapurtzeko asmoarekin. Kolpearen ondotik, lurrera erori zen eta buruan kolpe handia jaso zuen. Ikerketaren arabera, beraz, buruan hartutako kolpeagatik hil zen Urrengoetxea.
Albiste gehiago gizartea
"Hemen ez dago duintasunik eta laguntza behar dugu"
50 migratzailek asteak daramatzate Donostiako Amara auzoan kale gorrian lo egiten, asilo-eskaeraren erantzunaren zain. Gehienak Malitik iritsi dira gurera, bertako gerratik ihesi eta Frantziak kanporatu ostean.
Vuelingek bertan behera utzi ditu Bilboko aireportuan lur hartu behar zuten bost hegaldi
Bost hegazkin horiek Bilbotik egin behar zituzten irteerak ere bertan behera geratu dira.
Polemika Arrigorriagan, Udalak Vulkano orkestra jaietako programatik kanpoan utzi ondoren, "taldeko emakumeak hipersexualizatzeagatik"
Vulkano orkestrak zazpi aldiz jo du Arrigorriagan, baina aurten ez du joko Udalaren ustekabeko erabakiaren ondoren. Orkestrak, ohar baten bidez, adierazi du taldeko emakumeek libreki aukeratzen dituztela jantziak. Erabakiak polemika handia eragin du herritarren artean.
Arabako Foru Aldundiak 11.000 euroko isuna jarri dio aita bati Gasteizen arbitro bati eta entrenatzaile bati eraso egiten saiatzeagatik
Foru erakundeak halako zehazpen-proposamena abiatzen duen bigarren aldia da, eta, ziurtatu duenez, "irmo" jokatuko du aurrerantzean ere, "gertakariak garrantzitsuak eta larriak direlako".
Bertan behera utzi dute haur, gazte eta familientzako egitaraua Iruñean, baina gaueko kontzertuei eta su artifizialei eutsiko diete
Bertan behera geratu dira Menudas Fiestas, Birjolastu Juego Rejuego, Kirolari Sport Kids eta Foru plazako Gazte Eremuko programazioa. Hiriko auzoetan egitekoak ziren jarduerak ere bertan behera geratu dira, baita Ardantzeta Dantza Taldearen emanaldia ere.
50 gazte migratzaile inguru Amarako kaleetan lo egiten ari dira, asilo-eskaeraren erantzunaren zain dauden bitartean
Frantziako agintariek kanporatu egin dituzte, asiloa Espainiako Estatuan eskatu behar dutela argudiatuta; hori dela eta, Donostiako Udalak izapideak azkartzeko eskatu dio Espainiako Gobernuari.
Ertzaintzak gizon bat atxilotu du Orioko haur-patio batetik gertu, exhibizionismoa egotzita
Asteartean gertatu zen, uztailaren 8an, 16:00ak aldera, gizonezkoa adingabe batzuk zeuden esparrura sartzeko hesiaren ondoan zegoela.
Bi adingabe inputatu dituzte Corellan, AP-68 autobidera harriak jaurtitzeagatik
Gutxienez lau ibilgailuk kalte handiak jasan zituzten: kamioi batek eta hiru autok. Ekaineko azken egunetan egin zituzten erasoak, guztiak gauez.
Voloteak eskainiko ditu Forondatik Madril eta Bartzelonarako hegaldiak, azaroaren 1etik aurrera
Urtean 135 hegaldi eskaini beharko ditu Foronda Madrilekin eta Bartzelonarekin lotzeko.
Baionako jaietan Aturri ibaian desagertutako pertsona baten bila ari dira
02:45 aldera desagertu omen da, jai-eremutik kilometro batera. Suhiltzaileak eta bi urpekari bertaratu dira, eta droneak ere baliatu dituzte hura bilatzeko lanetan.