16 urteko adingabea epaitu dute Bilbon, Ibon Urrengoetxearen heriotza argitzeko
16 urteko adingabeak, 13 urteko beste adingabe batekin batera, 45 urteko Ibon Urrengoetxea Urren Amorebietako futbolari ohiari eraso egin zion 2017ko abenduaren 23an, Bilbon. Futbolari ohiak buruan kolpe handia hartu zuen lurrera erori zenean. Kolpearen ondorioz hil egin zen.
Bilboko Adingabeen Epaitegiak 16 urteko mutila epaitu du, iturri juridikoek jakitera eman dutenez. 09:00etan hasi da epaiketa.
Ertzaintzaren ikerketaren arabera, 04:20 aldera, Nafarroa eta Erripa kaleen elkargunean, akusatuak ostikoa eman zion Urren-i, lapurreta saiakeran, eta biktima lurrera erori zen. Futbolari ohia kolpe handiaren ondorioz hil zen.
Ahozko saioan, epaitutako adingabeaz gain, lapurreta saiakeran parte hartu zuen 13 urteko gaztea izan da, haren monitoreak lagunduta. Bigarrena, bere adinagatik, ezin da auzipetu. Lekuko gisa deklaratu du.
16 urteko akusatua Zumarragako adingabeen zentrotik ekarri dute.
Homizidioaren ikerketan parte hartu zuten auzitegiko medikuek, adituek eta ertzainek deklaratu dute, epaiketan.
Dena sekretupean gordeko da. Ez dute argitu zein den Fiskaltzaren eskaera; sententzia ere ez dute plazaratuko.
Zure interesekoa izan daiteke
Musikenek "arretaz" ikertuko du harpa irakasle batek ikasleei emandako tratua
Musikeneko Zuzendaritzak "kaltetua izan daitekeen edonori" jakinarazi dio "zentroaren arreta osoa" izango duela, eta, horretarako, ikastetxeak "eskura dituen bideen bidez harremanetan jartzeko" eskatu du.
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.