Kote Cabezudorentzat lau urteko kartzela-zigorra eskatuko du Fiskaltzak
Fiskaltzak lau urteko espetxe-zigorra eskatu du Kote Cabezudo argazkilari donostiarrarentzat. Akusazioak ere zigor bera galdegin du, Berria egunkariak gaur goizean aurreratu duenez. Dirudienez, epaiketaren lehenengo fasea udazkenerako bukatuko da, baina, aurretik, argazkilariaren abusuak jasan omen dituzten beste lau emakumeren kasuak iritsiko dira epaitegira.
Cabezudori maiatzaren 4an ezarri zioten behin-behineko espetxealdia. Sexu-abusuengatik, iruzurragatik eta sexu askatasunaren aurkako beste hainbat deliturengatik dago ikerketapean.
Bitartean, iragan astean argitaratutako auto baten bidez, epaiketa hasteko baimena eman zuen epaileak. Alabaina, oraingoz ez dute data zehaztu, ezta zein epaitegitan egingo duten argitu ere. Ordura arte, Cabezudo Martuteneko espetxean egongo da, defentsak argazkilaria aske uzteko eskatu badu ere.
Gertakarien bilakaera
Akusazio partikularrak eta Fiskaltzak eskatuta, epaileak behin-behinean espetxean sartzea agindu zuen, eta Martuteneko espetxean dago ordutik preso. Epailearen ustez, delituak errepikatzeko eta biktimen ondasun juridikoan kalteak eragiteko arriskua dago, kontuan hartuta Cabezudok biktimen hainbat argazki saretik ez zituela kendu eta, beraz, Interneten eskuragarri egon daitezkeela.
Defentsak, berriz, Cabezudo libre uztea eskatu zuen, haren kontrako kargu berririk ez zegoela, agintariei desobeditu ez diela eta ihes egiteko arriskurik ez dagoela argudiatuta.
Alabaina, Fiskaltzak helegite horren aurka aurkeztu zuen idatzian esan zuen delituak errepikatzeko arriskua zegoela, baita biktimen moralari min egiteko aukera ere, Cabezudo libre utziz gero.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.