Epaileak kartzelatu egin du Kote Cabezudo argazkilari donostiarra
Donostiako 3. Instrukzio Epaitegiko epaileak kartzelatu egin du Kote Cabezudo argazkilari donostiarra, gutxienez zortzi modelori sexu abusuak egitea egotzita, beste hainbat delituren artean.
Akusazio partikularrak 10 aldiz eskatu izan du Cabezudo kartzelatzea, eta eskari guztiak errefusatu egin ditu Epaitegiak, baina oraingoan Fiskaltzak bat egin du eskaerarekin.
Horrela, epaileak onartu egin ditu Mario Diez abokatuaren argudioak, akusatua “delituak errepikatzen” ari dela azaldu baitzuen. Zortzi biktima defendatzen ditu abokatu horrek, eta hurrengo astean beste zortzi emakumeren salaketak aurkeztuko dituela aurreratu du.
Ikerketa Ana Isabel Perez Asenjo instrukzio-epailea egiten ari zen, baina duela gutxi beste epaile baten esku utzi zuen auzia, EAEko Auzitegi Nagusiak haren aurkako kereila bat onartu eta gero. Hain zuzen ere, biktimen defentsak aurkeztu zuen salaketa, akusatuak biktimen argazkiak Internetetik kendu ote zituen ez egiaztatzeagatik.
2013an hasi zen ikerketa
Donostiako epaitegiak 2013an abiatu zuen argazkilariaren aurkako ikerketa, besteak beste bortxaketak, sexu abusuak, iruzurrak eta mehatxuak egitea egotzita. Orain arte, bederatzi emakume pertsonatu dira auzian, eta horietako bi adingabeak ziren abusuak pairatu zituztenean.
EAEko Auzitegi Nagusiak nabarmendu du ikertzen ari direna ez dela "haur pornografia sare bat", eta gogorarazi du orain arte hainbat ikerketa eta izapide egin dituztela auzian.
Horren ildotik, zehaztu du akusatuak bederatzi aldiz deklaratu duela dagoeneko, eta 21 lekuko, 11 biktima eta bi aditu galdekatu dituztela.
Fiskaltzak Cabezudoren ustezko haur pornografia materiala Internetetik kentzea eskatu du.
Zure interesekoa izan daiteke
10 urteko haur bat larri zauritu da Burlatako etxebizitza batean izandako sutean
Sua hartu duen eraikineko hirugarren solairutik erori da eta ospitalera eraman dute, kolpe ugarirekin.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, osteguna, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.
Melanomaren aurkako lehen txertoak 3. fasea gainditu du eskala handiko saiakuntza kliniko batean
Moderna eta Merck farmazia-enpresek RNA mezularia daraman txerto pertsonalizatu horrek immunoterapia-tratamenduarekin batera emanda izan duen arrakastaren berri eman dute. Burtsetan gorakada nabarmena izan dute bi enpresen akzioek.