Kasedako tiroketan 112ak erantzun eredugarria izan zuen, Nafarroako Gobernuaren ustez
Kasedan asteartean izandako tiroketaren berri jaso zuenean, 112 larrialdi zerbitzuak jarrera "eredugarria" erakutsi zuela esan du gaur Agustin Gastaminza Nafarroako Gobernuko Barne Saileko zuzendari nagusiak.
Modu horretan erantzun die Gastaminzak Kasedako bizilagun batek Diario de Navarra egunkarian egindako adierazpenei. Salatzaileak 112 telefonora deitu zuen tiroketa izan zela eta lurrean hainbat lagun zeudela ohartarazteko. Lekuko horren arabera, ordea, langileak ez zion abisua eman nahi izan Guardia Zibilari (100 metrora ei dago kuartela). Ildo horretan, laguntza ez ematea leporatu dio.
Horren harira, Gastaminzak prentsaurreko batean adierazi du behin eta berriz kritikatzen dutela SOS Nafarroa eta Poliziaren jarrera, "arrazoi politikoak tarteko". Hori horrela, nabarmendu du halako salaketek "mesfidantza" eragiten dutela herritarrengan.
Esandakoa ziurtatzeko, argitu du 112an telefono deia jaso zutenetik (18:53an) hiru atxilotuak harrapatu zituztenera arte 17 minutu inguru igaro zirela, eta zehaztu du dei hori ez zuela salaketa jarri duen pertsona berak egin.
Halaber, azpimarratu du "minutu bat" pasatu zela SOS Nafarroak abisua jaso zuenetik Foruzaingoa eta Guardia Zibila tiroketa gertatu zen lekura mugitu ziren arte.
Jose Luis Arasti, Nafarroako Gobernuko delegatuak, bere aldetik, Guardia Zibilaren lana babestu du, eta polizien arteko koordinazioa hobetzearen alde agertu da.
Barkosek "miserabletzat" jo du larrialdi zerbitzuaren lana zalantzan jartzea
Uxue Barkos Nafarroako presidenteak 112ak "zuzen" jokatu zuela baieztatu du. "Norbaitek uste badu Kasedako tiroketan ez zela ahalegin guztia egin oker dabil, eta, gainera, 'dohakabe' bat da", gaineratu du.
Hartara, bat etorri da Barne Saileko zuzendari nagusiaren, Foruzaingoko buruaren eta 112 zerbitzuko arduradunaren azalpenekin. Azken horien iritziz, "eredugarria" izan zen 112aren erantzuna.
CCOOk babesa agertu dio 112 zerbitzuari
CCOOk babesa agertu die 112 larrialdi zerbitzuko langileei, eta haien lan egiteko modua zalantzan ez jartzeko eskatu du, profesional talde bat dela eta egoera ezberdinei aurre egiteko jardunbidea dutela iritzita.
Zure interesekoa izan daiteke
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.