Erraustegiaren auzian atzera egiteko eskatu die EH Bilduk EAJri eta PSEri
Espainiako Kontu Auzitegiak atzera bota du Iñaki Errazkin eta Ainhoa Intxaurrandieta EH Bilduko kideen kontra Gipuzkoako Hondakinen Kontsortzioak (GHK), EAJren eta PSE-EEren babesarekin, jarri zuen helegitea, aurreko legealdian Zubietako erraustegia eraikitzeko lanak geldiarazi zituztelako.
Gaur, Gipuzkoako EH Bilduko dozenaka kidek agerraldia egin dute epaiaren balorazioa egiteko, eta tartean izan dira Errazkin eta Intxaurrandieta, Ingurumen diputatu ohia eta GHK-ko arduradun ohia, hurrenez hurren.
Kontu Auzitegiak erraustegiaren proiektuari buruz ebatzitakoa ezagututa, "atzera" egin dezatela eskatu die Juan Karlos Izagirre ahaldun nagusi izateko EH Bilduren hautagaiak EAJri eta PSE-EEri.
Fiskaltzak eta Hondakinen Kontsortzioko egungo arduradunek salatu zuten Errazkinek eta Intxaurrandietan "irregulartasunak" egin zituztela 2012an, Zubietako erraustegia eraikitzeko kontratua etetea erabaki zutenean, "herritarren interesen kontra". Hala, 45 milioi euroko zigorra eskatu zuten bientzat.
Alabaina, Kontu Auzitegiak salaketa atzera bota du, Errazkini eta Intxaurrandietari arrazoia emanda. Kasua aztertu ostean, epai-mahaiak ebatzi du proiektu hura "neurriz gaindikoa" zela eta, beraz, egitasmoa bertan behera utzita ez zuela inolako kalte ekonomikorik eragin.
Gauzak horrela, Juan Karlos Izagirrek "auzitegietako bidea, mehatxuak eta mendeku politikak" albo batean uzteko eskatu die jeltzaleei eta sozialistei. "Erraustegiaren arazoa Gipuzkoako herritarren gehiengoari entzunez konpondu behar da", azpimarratu du.
Bestalde, Marian Beitialarrangoitiak nabarmendu du Kontu Auzitegiaren ebazpenak agerian uzten duela, Bilduren Foru Gobernua irizpide "tekniko eta juridikoetan" oinarritu zela EAJk egindako "bidegabekeria" konpontzeko; izan ere, "azpiegitura hura neurriz gaindikoa zela eta gipuzkoarroi justifikaziorik gabeko gastu izugarriak eragingo zizkigula frogatu da", erantsi du.
"Politika oker bat zuzentzeko erabakia hartu genuen orduan, interes ekonomikoen, ingurumenaren eta herritar guztien osasunaren mesedetan", esan du.
Alabaina, EAJ eta PSE-EE kontrako bidetik joan zirela adierazi du, "Gipuzkoako nahiz kanpoko elite ekonomikoen mesedetan eta herritarren interes orokorraren kaletan aritu zirelako".
Areago, "euren astakeriak estaltzeko eraman zuten koalizio soberanista auzitegira", salatu du
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.