Urtero 400 bullying kasu baino gehiago antzematen dituzte Euskadin
Euskadin lanean ari diren 88 Hezkuntza ikuskatzaileek batezbeste 400/500 eskola-jazarpen kasu antzematen dituzte urtero. Azken bost urteetan kopuruak gora egin du, jokabide kaltegarri horiek salatzeko sentsibilizazio sozial handiagoa dagoelako.
Hala ere, Jose Angel Ayucar Euskadiko Hezkuntza ikuskatzaile nagusiak zehaztu duenez, baieztatutako kasuen kopuruak behera egin du, % 23tik % 17ra.
Estatuko Hezkuntza Ikuskaritzako XV. Kongresuaren hasiera ekitaldian parte hartu du Ayucarrek, Cristina Uriarte Hezkuntza sailburuarekin batera, Bilbon. Azken urtean Euskadiko ikuskatzaileek 7.000 txosten egin dituzte Administrazioarentzako eta herritarrentzako.
3.000 gurasoen ekimenez abiatu dituzte, horien artean, eskola-jazarpena, ikastetxe aldaketak, ebaluazioen galdeketak, etab. Gainerakoak sistemarekin lotutakoak dira, besteak beste, irakasleen eta zuzendarien ebaluaketak eta ikastetxeetako egutegiak.
Gurasoek irakasleei egindako erasoak ikuskatzaileek gehien aztertutako arazoa denik baztertu du Ayucarrek. “Bakanak, behingo kontuak, dira, baina zarata mediatiko handia ateratzen dute”, ziurtatu du.
Azken 20 urteetan, 1.000 ikastetxetan, 6 eta 12 kasu artean eman dira urtean, azpimarratu duenez.
Ayucarroren ahotan, hezkuntza ikuskatzaileen lana aldatu egin da azken urteetan; izan ere, ez datza “kontrolean”, aurreko mendeetan egin bezala, lan hori teknologia aplikazioekin egin daitekeelako.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.