Hego Euskal Herrian ikasleen ia % 20k jasan dute eskola jazarpena
Ikasleen % 9,3k eskola jazarpena jasaten du sistematikoki, eta ia % 7k ziber-erasoa. Espainiako Save The Children gobernuz kanpoko erakundeak eman du datua, Eskola Jazarpenaren aurkako Nazioarteko Eguna dela baliatuz.
Era berean, Save The Childrenek ohartarazi du ikastetxeek bakarrik ez, erakundeek ere parte hartu behar dutela konponbidearen bilaketan eta, beraz, erantzunak eman behar dizkiotela arazo honi.
'Nik honetan ez dut jolastu nahi' leloa hartuta dator aurten Eskola Jazarpenaren aurkako Mundu Eguna.
Gurera ere ekartzeko modukoak dira Save The Childrenek emandako datuak. Hego Euskal Herrian, Lehen Hezkuntzan, ikasleen ia % 20k pairatu dute eraso egoeraren bat, eta % 10 inguruk sistematikoki jasaten dute jazarpena.
Save The Childrenen esanetan, azken urteotan aurrerapauso handiak izan dira, baina ikastetxeak indarkeriarik gabeko gune izango badira, erakundeak gehiago inplikatu behar direla eta alderdi politikoek eskola jazarpenaren kontrako lege eraginkor bat adostu beharko luketela iritzi dio.
Euskal Autonomia Erkidegoan eta Nafarroan 'Zeuk esan' telefonoa (116111) dago martxan, jazarpen susmo bat izanez gero, salaketa egin ahal izateko.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.