Bilbon, Donostian, Iruñean eta Tuteran egokitu dira hiru bosgarren sari
Gabonetako Loteriak hainbat bosgarren sari utzi ditu Euskal Herrian. Alde batetik, 02.308 zenbakiak, atera den azken bosgarren sariak, 1.704.000 euro utzi ditu Bizkaian eta Gipuzkoan.
Zenbakia 11:53an atera da, eta Bizkaian, Bilboko Ormaechea administrazioan saldu dute; baita, Bilboko Errugbi Taldearen egoitza sozialean eta Basauriko Ariz auzoan. Guztira, 792.000 euro egokitu dira Bizkaian.
Ormaecheak salgai zituen 15 serietatik 13 saldu ditu eta 780.000 euro banatu ditu; Bilboko Errugbi Taldeari dezimo bat (6.000 euro) egokitu zaio.
02.308 zenbakiaren beste dezimo bat Basauriko Ariz auzoan saldu dute.
Gipuzkoan, 02.308 zenbakiak 912.000 euro utzi ditu Donostian, Azpeitian eta Eibarren.
Sariaren zatirik handiena Donostian tokatu da, 15 serie saldu baitituzte Alde Zaharreko Narrika kaleko administrazioan.
Bestalde, Azpeitian eta Eibarren dezimo solteak saldu dituzte, eta 6.000 euro egokitu zaie.
Ormaechea administrazioan ere, 47.862 zenbakiaren serie bat saldu dute.
Beste bosgarren sari bat Donostian, Sestaon eta Tuteran saldu dute. 6.000 euro banatu ditu 29.031 zenbakiak. Sestaon, Las Llanas kaleko administrazioan saldu dute, eta Donostian, Segundo Izpurua kaleko administrazioan.
Hauek dira atera diren beste bosgarren sariak: 07.568, 68.402, 63.025, 20.202 eta 18.596. Zortea alde izan dute Estatuko hainbat probintziatan. 68.402 zenbakia, esaterako, Villaciosa de Odonen (Madril) saldu dute; 63.025 zenbakia El Campellon (Alacant). Eta, 20.202 zenbakia Madrilen eta Alacanten ere saldu dute.
Erabiltzaileek euren zenbakiek saririk izan duten begiratzeko aukera izango dute atari honetan martxan egongo den bilatzailean.
Albiste gehiago gizartea
Pertsona bat atxilotu dute Donostian hiru edukiontzi erretzea egotzita
28 urteko gizonezko bat atxilotu dute, kalte-delituak egotzita.
Adina ez da oztopo euskal dantzak ikasten hasteko
Errenteriako Beti Bizkor erretiratuen elkarteko emakumeek adinari eta gaixotasunei aurre egin diete eta euskal dantzak ikasten dabiltza Nekane irakaslearekin. Ariketa fisikoa egitearekin batera, burua ere arin mantentzea da helburua.
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.