Bilboko jesuiten ikastetxeak abusuak jasan zituzten 3 ikasleren lekukotzak jaso ditu
Bilboko Indautxu auzoan dagoen jesuiten ikastetxeak ostegun honetan jakinarazi duenez, iraganean bertako irakasle batek egindako sexu abusuak salatzen dituzten hiru testigantza jaso ditu. Ofizialki Nuestra Señora de Begoña izena duen ikastetxeak "Adin txikikoak babesteko konpromisoa" izeneko oharra argitaratu du, Jorge Urrutia zuzendariak eta elkarteko arduradunak sinatuta. Bertan, orain arte jasotako lekukotzak irakur daitezke.
Urrutiak berak ETB2ko 'En Jake' saioari baieztatu dionez, hiru dira orain arte jasotako testigantzak. Sexu abusu horiek duela 30 urte inguru gertatu ziren, eta dagoeneko hilda dagoen irakasle bati egotzi dizkiote.
Testigantza horiek jaso ostean, eta Aita Santuak pederastiaren aurka egindako adierazpenetan oinarritua, biktimen lekukotasunak entzuten, jasotzen eta babesten saiatuko dela azaldu du ikastetxeak, eta baita jazarpen egoerei edo abusuei aurre egiten ere. Horretarako, Elizak ezarritako ildoak izango dituzte ardatz.
"Zorionez, gure gizartean nabarmen egin du aurrera gai honen aurrean erakutsitako sentsibilitateak. Gainera, hezitzaileok ere horretaz kargutu gara, eta jakin badakigu ze garrantzitsua den sexu abusuak saihestea eta adin txikikoen eta irakasleen arteko harremanei buruzko heziketa zuzena ematea", esan dute aipatu ikastetxeko iturriek.
Bestalde, ikastetxeak "harrera taldea" sortu du abusuak jasan zituzten ikasle ohiei laguntzeko asmoz. Helburua biktimen testigantzak entzutea eta haiek babestea da.
"Sexu abusuak gaitz bat dira gure gizartean. Zoritxarrez, arlo eta erakunde askotan daude abusuak. Ikastetxeek lagundu dezakete, eta guk geuk ziur dakigu egunerokotasunean egiten ari garen ahaleginak emaitza onak emango dituela. Hala, hezitzaileok ilusioz egiten dugu gure lana, ikasleek ikastetxeaz gozatzeko aukera dute, eta familiak lasai daude seme-alabak babestuta dituztelako", dio idatziak.
Albiste gehiago gizartea
58 urteko gizon bat zauritu da entzierroaren aurretik balkoi zati bat gainera erorita
Santo Domingo aldapan, etxebizitza bateko balkoi batetik erlaitz zati bat askatu da, eta gizonaren sorbalda gainean erori da. Suhiltzaileek etxebizitzako aurrealdea garbitu eta segurtasun neurriak jarri behar izan dituzte eta, horren ondorioz, entzierroaren hasiera pixka bat atzeratu da.
Giro nahasiarekin jarraituko dugu, eta abisu horian egongo dira Araban eta Nafarroan
Euri-zaparrada trumoitsuak espero dira arratsaldean, eta txingorra botatzeko arriskua ere badago. Dena den, badirudi ez direla bart bezain gogorrak izango.
Ikusi berriz uztailaren 12ko entzierroa
Entzierro azkarra, korrikaldi ikusgarriekin, eta tentsio uneak zezen plazan
Jose Escolar Avilako ganadutegiko zezenek aurtengo sanferminetako entzierro azkarrenetakoa korritu dute, garbia, korrikaldi ikusgarriekin, baina amaieran nahasi dena, zezen plazan; izan ere, zezenetako bat atzean geratu da bertan, eta korrikalariei oldartu arren, ez du minik egin, baina entzierroa 2 minutu eta 40 segundora arte luzatu du. Jendetza elkartu da ibilbidean, larunbatetan ohikoa den legez, eta entzierroa bi minutu atzeratu da Santo Domingoko balkoi baten zati bat erori delako. Gizon bati erori zaio gainera, eta sorbaldan zauritu du. Gauean botatako euriak ez du Jose Escolarren zezenen lasterketa mantsotu, irrist egin gabe osatu dute ibilbidea, erritmo onean, eta korrikalariei adar artean lasterraldi ederrak egiten utzi diete. Ganadutegi honetako zezenek hirugarren urtez jarraian ez dute adarkaturik utzi. Lehenengo balantzearen arabera, kolpeak hartu dituzten lau pertsona eraman dituzte ospitalera, eta beste bat zezen plazan bertan artatu dute.
"Hemen ez dago duintasunik eta laguntza behar dugu"
50 migratzailek asteak daramatzate Donostiako Amara auzoan kale gorrian lo egiten, asilo-eskaeraren erantzunaren zain. Gehienak Malitik iritsi dira gurera, bertako gerratik ihesi eta Frantziak kanporatu ostean.
Vuelingek bertan behera utzi ditu Bilboko aireportuan lur hartu behar zuten bost hegaldi
Bost hegazkin horiek Bilbotik egin behar zituzten irteerak ere bertan behera geratu dira.
Polemika Arrigorriagan, Udalak Vulkano orkestra jaietako programatik kanpoan utzi ondoren, "taldeko emakumeak hipersexualizatzeagatik"
Vulkano orkestrak zazpi aldiz jo du Arrigorriagan, baina aurten ez du joko Udalaren ustekabeko erabakiaren ondoren. Orkestrak, ohar baten bidez, adierazi du taldeko emakumeek libreki aukeratzen dituztela jantziak. Erabakiak polemika handia eragin du herritarren artean.
Arabako Foru Aldundiak 11.000 euroko isuna jarri dio aita bati Gasteizen arbitro bati eta entrenatzaile bati eraso egiten saiatzeagatik
Foru erakundeak halako zehazpen-proposamena abiatzen duen bigarren aldia da, eta, ziurtatu duenez, "irmo" jokatuko du aurrerantzean ere, "gertakariak garrantzitsuak eta larriak direlako".
Bertan behera utzi dute haur, gazte eta familientzako egitaraua Iruñean, baina gaueko kontzertuei eta su artifizialei eutsiko diete
Bertan behera geratu dira Menudas Fiestas, Birjolastu Juego Rejuego, Kirolari Sport Kids eta Foru plazako Gazte Eremuko programazioa. Hiriko auzoetan egitekoak ziren jarduerak ere bertan behera geratu dira, baita Ardantzeta Dantza Taldearen emanaldia ere.
50 gazte migratzaile inguru Amarako kaleetan lo egiten ari dira, asilo-eskaeraren erantzunaren zain dauden bitartean
Frantziako agintariek kanporatu egin dituzte, asiloa Espainiako Estatuan eskatu behar dutela argudiatuta; hori dela eta, Donostiako Udalak izapideak azkartzeko eskatu dio Espainiako Gobernuari.