Garesko apaiz batek bi anaiari abusuak egin zizkiela salatu du gizon batek
Gizon batek salatu du Garesko (Nafarroa) Aita Erreparaziokoen ikastetxe erlijiosoko apaiz batek sexu-abusuak egin zizkiela berari eta anaiari, biak barneko ikasle zirela. Gizonak ez zituen abusuak salatu eta ez zion inori jakinarazi. Anaiak ere isilpean gorde zuen, bere buruaz beste egin baino lehen anaiari gutun bidez kontatu zion arte.
SER irrati katean "Guillermo" ezizenarekin eta ahotsa distortsionatuta zuela eskainitako elkarrizketa batean azaldu duenez, 12-13 urte zituenean gaixotu egin zen, eta mediku lanetan aritzen zen apaizak artatu zuen. Ikastetxeko erizaindegian gertatu ziren abusuak. Guillermoren esanetan, apaizak gainerako ikasle-irakasleak ikasgelan zeudela baliatzen zuen umeei "ukituak egiteko eta gero nahi zuen moduan amaitzeko".
Bortxatua izan eta "berehala", telefono baten bila joan zela kontatu du Guillermok, amari deitzeko. "Ama, nire bila ez bazatoz, ez nauzu berriro ikusiko", esan zion. Gerora, baina, ez zen ausartu amari jasandakoa azaltzen (ezer jakin barik hil zen), eta isilpean gorde du orain arte.
"Izugarria izan zen. Halako zerbait pasatzen zaizunean, errotik aldatzen zaizu bizitza betiko, ume izateari uzten diozu. Nik ez nion inori laguntza eskatu", deitoratu du.
Handik urte batzuetara jakin zuen anaia ere apaiz horren biktima izan zela. Anaiak gutuna idatzi zion dena kontatuz, eta, ondoren, bere buruaz beste egin zuen. Eskutitza "minez eta sufrimenduz josita" dago, eta xehetasun guztien berri ematen du, Guillermoren esanetan.
Iruñeko Artzapezpikutzara jo zuen, baina ez zuten ezertxo ere egin
Anaiaren kasuaren berri izan zuenean, "amorruak, minak eta penak jota", Iruñeko artzapezpikuaren idazkariari deitu eta jasandakoa kontatu zion. Francisco Perezi jakinarazi zion horrek. "Kostatu zitzaien erantzun bat ematea, eta uste dut nik behin baino gehiagotan deitu nuelako eman zidatela hitzordua", azaldu du. Bileratik "sartu zenean baino okerrago" irten zela adierazi du, "hormigoizko harresi bat" topatu zuelako. Elizaren ordezkariak esan zionez, Artzapezpikutzan "kutxa bat dugu mota horretako gutunak gordetzeko, behin sartuta ez dira inoiz ateratzen". Guillermok ez zuen horrelakorik onartu, eta bere esku du oraindik eskutitza.
Horren ustez, "gu ez giren izan abusuak jasan zituzten bakarrak", eta salatzeko deia egin die balizko biktimei.
Zure interesekoa izan daiteke
Iruñeko Iturrama auzoko obra batzuen bilakaera jarraitzeko behatoki bereziak jarri dituzte
Misericordia egoitzan bizi diren herritarren artean obrek piztu duten interesaren ondorioz, eraikuntza-enpresak sei leiho ireki ditu lanak estaltzen dituen oihalean. Batek baino gehiagok irmo kritikatu ditu leihoen ondoan idatzitako esloganak.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte, haizeak eta tenperatura altuek ez baitute laguntzen. Familia batek etxera itzuli ahal izan du igande honetan.
"Nolabaiteko baikortasuna" Rigloseko sutean, suak Jaca ondoko Oroel mendira jotzea oztopatu ondoren
16.600 hektarea baino gehiago kaltetu ditu suteak, eta mila bat lagun eta 35-40 aire-baliabide ari dira lanean; 19 herrigunetako 1.046 bizilagunek etxetik kanpo jarraitzen dute. UMEko militar bat hil da gaur arratsaldean, Jakatik 10 kilometrora.
Autoak zeramatzan kamioi batek errepidetik irten eta su hartu du Sunbillan
Autoak zeramatzan kamioi bat errepidetik atera eta su hartu du Sunbilla parean. Kamioia erabat kiskalita geratu da baina gidaria, 49 urteko gizonezkoa, arin zauritu da. 07:00ak aldera gertatu da ezbeharra N-121 errepidean.
10 urteko haur bizkaitar bat egoera kritikoan, Espinosa de los Monterosen (Burgos) traktore batek harrapatu ostean
Istripua larunbateko 22:30ak baino minutu batzuk lehenago gertatu zen, Sancho Garcia plazan, oraindik argitzeke dauden arrazoiengatik.
Jorge Carvalhok euskara bere bizimodu bihurtzea lortu du
Ia 30 urte daramatza jada Euskal Herrian bizitzen. Igeltseroa da lanbidez, baina pandemian lana galdu zuen, eta 62 urte zituela betidanik maite izan duen zaletasuna bizimodu bihurtzea erabaki zuen: kalean euskaraz kantatzea. Ordutik, Bilboko Plaza Eliptikoan giroa alaitzen du, euskarazko errepertorio zabalarekin.
Bi lagun zauritu dira hegazkin txiki batek Vianan izan duen istripuan
300 oin inguruko altueratik erori dira Ulagosa izeneko eremura. Batek pronostiko larriko traumatismo kraneoentzefalikoa du, eta besteak traumatismo kraneoentzefalikoa eta orkatilla hautsita.
Abian da mahats-bilketa, historiako goiztiarrena
Mahatsondoak ohi baino lehenago hasi dira fruitua ematen, eta Nafarroako Erriberan ekin diote jada mahatsa biltzeari. Inurrieta bodegan iaz baino astebete lehenago jarri dituzte martxan uzta biltzeko makinak.
Donostiak amaiera eman dio Aste Nagusi borobilari, gorabehera garrantzitsurik gabe
Insaustik nabarmendu du delituen kopurua % 45 jaitsi dela iazkoarekin alderatuta, eta pandemiaren ostean izan den kopururik txikiena izan dela.
Osakidetzak 211 pertsona artatu ditu eklipsearen ondorioz azken hiru egunetan
Ostegunean 59, ostiralean 70, eta azken orduetan 82 pertsona joan dira Euskadiko osasun-zerbitzuetara begietako sintoma arin edo oso arinekin.