Senide baten heriotzagatiko baimena hurrengo egunean hasiko da, jaiegun batean denean
Iruñeko Lan arloko 3. Epaitegiak ebatzitakoaren arabera, senide bat igandez edo jaiegunez hiltzen denean, langilearen baimena hurrengo egunean hasiko da, laneguna izan ala ez, eta ez heriotza egunean bertan.
Hala ere, epai horri helegitea jar diezaiokete oraindik Nafarroako Justizia Auzitegi Nagusian. Epaian irakur daitekeenez, baimena hurrengo egunean hasi behar da, langilearentzat laneguna izan ala ez, langilea egunean bertan lantokira agertzen ez denean salbu.
Horrez gain, baimena egun naturalaren araberakoa izango da, ez lanegunen araberakoa; lizentzia hartutakoan ezingo da eten, eta, hurrengo egunak lanegunak ez diren kasuetan, egun horiek aurrerago hartu ahal izango dira.
Nafarroako Justizia Auzitegi Nagusiak zabaldutako informazioaren arabera, enpresetako hitzarmen kolektiboek lizentzia eta baimen horiek errespetatu beharko dituzte, eta, aldatzekotan, hobera aldatu beharko dituzte.
Langile baten eta enpresa baten arteko gatazkan, Iruñeko epaile batek beharginaren alde egin du. Senidea igandez hil zen, eta langileak astelehena eta asteartea hartu zituen; enpresak, igandea eta astelehena zegozkiola argudiatu zuen. Hori dela eta, egun bateko soldata kendu zion.
Epaiketan, bigarren graduko senide baten heriotzagatiko baimena (amona, kasu horretan) noiz hasten den eztabaidatu zuten, jaiegunez hilez gero.
Albiste gehiago gizartea
Istripu baten ondorioz ia hiru orduz itxita egon da A8 autobidea Usurbilen Bilborako noranzkoan
Auto baten eta kamioi baten arteko istripua izan da 17:15ean eta errepidea moztuta geratu da erabat eta auto ilarak sortu dira, inguruko errepideetan ere eraginez. Garabiek ibilgailuak erretiratu eta bidea garbituta, 20:20ean errei bat zabaldu dute eta 21:15an beste biak.
Frantziako nerabe batzuk hegaldi batetik atera dituzte "zalapartagatik", eta Israelek antisemitatzat jo du erabakia
"Oso jarrera gatazkatsua" zutela eta jokabide horrek ontziaren segurtasuna kolokan jartzen zuela ikusita, komandanteak ukatu egin zien ontziratzea 52 bidaiariri, horietatik 44 adingabeak eta 8 adinekoak (begiraleak), eta Guardia Zibilaren esku hartzea eskatu zuen, haiek hegazkinetik ateratzeko. Israelgo Gobernuak "antisemitismoari" egotzi dio, umeak juduak direlako. Irmo ukatu dute hori konpainiak (Vueling) eta Guardia Zibilak.
Adingabeak osteagatik ikertuko dute Juana Rivas, baina ostiralean semea aitarekin utziko duela espero da
Espainiako Gobernuko hainbat ministro eta Andaluziako presidentea kezkatuta agertu dira mutikoaren egoera psikologikoarekin. Bestalde, Rivasen seme zaharrenak kereila aurkeztu du aitaren aurka, anaia gaztearen borondatea hertsatzeko delitua egin dutelakoan.
Zenbait karabela portugaldar ikusi dituzte Kontxan, Zurriolan, Itzurunen, Lagan, Bakion eta Arenan
Marmoken presentziaz ohartarazteko bandera berezia jarri dute Gipuzkoako eta Bizkaiko hondartza horietan, baina sorosleek soilik pertsona bat artatu dute. Topatu dituzten marmokak txanpon baten neurrikoak dira, eta horien ziztadak ia ez du minik eragiten.
Abian da Euskal Encounter, 5.000 teknologia zale baino gehiago bilduko dituen hitzordua
Makrotopaketaren 33. edizioa uztailaren 24tik 27ra izango da, eta 200 jarduera inguru izango ditu publiko guztientzat. Lau egunez, BECeko 5. pabiloia komunitate digital handi bihurtuko da, milaka teknolgia zaleren gozamenerako.
Gasteizen izandako istiluetan gertatutakoari buruz bertsio kontrajarriak eman dituzte GKSk eta alkateak
Gazte Koordinadora Sozialistaren (GKS) arabera, "giro lasaian" egiten ari ziren ekimen baten aurka "kargatu" zuen Poliziak, eta 18:00etarako elkarretaratzea deitu dute, Andre Maria Zuriaren plazan. Maider Etxebarria Gasteizko alkateak, bere aldetik, atzoko gertakariak gaitzetsi ditu eta bere esker ona adierazi dio Ertzaintzari eta Udaltzaingoari.
Sare sozialak gorroto-mezu eta indarkeriarako deiez bete ziren Torre Pachecoko gertakarien ondoren
Arrazakeriaren eta Xenofobiaren Espainiako Behatokiak mota horretako 138.000 argitalpen baino gehiago zenbatu zituen uztailaren 6tik 22ra bitartean, eta ohartarazi du plataformek % 22 baino ez zituztela ezabatu.
Euskararen kontrako epaiei “batasunez” erantzutea eskatu dute 200 herri-ordezkarik baino gehiagok, Bilbon
Gorenak VOX alderdiari men egin eta Udal Legea garatzen zuen dekretuaren hainbat artikulu baliogabetu berritan, erantzun bateratua eman dute gaur, Bilbon, 200 bat alkatek, udal hautetsik eta euskalgintzako ordezkarik, “euskararen defentsan”.
Faxismoaren eta arrazakeriaren aurkako elkarretaratzea egin dute Irunen
Irungo Harrera Sarea herri plataformak salatu duenez, "azken hilabeteetan ideologia neonaziko hainbat taldek inpunitate osoz jardun dute Irunen", "gorroto diskurtsoa" gure kaleetan "barreiatuz" eta "hainbat gazte talde mehatxatuz".
200 alkate eta herri-ordezkarik ekitaldia egingo dute Bilbon, euskararen aurkako azken epaia salatzeko
Euskalgintzaren Kontseiluak deituta, 11:00etan bilduko dira Euskal Autonomia Erkidegoko Auzitegi Nagusiaren atarian alderdi eta sentsibilitate ezberdinetako ordezkariak euskararen inguruan Gorenak emandako azken epaiari erantzun bateratu bat eman asmoz.