Elizan sexu abusuak saihesteko batzordea sortuko dutela iragarri du Mario Icetak
Mario Iceta Bilboko gotzainak iragarri du batzorde bat eratu dutela Bizkaiko Elizan sexu abusuak saihesteko; haurrek jasandakoak, bereziki.
Bilboko Elizbarrutiak nabarmendu duenez, maiatzean, Frantzisko aita santuak urtebeteko epea eman zien horretarako mundu osoko diozesiei, edozein pertsonak sexu abusuak salatzeko aukera izan zezan.
Harrezkero, Bilboko Elizabarrutia "Vox estis lux mundi" dokumentuan jasotako eskaera aztertzen aritu da, eta behin zirriborroa esku artean duela, batzordea aurki eratuko duela aurreikusi du.
Elizbarrutiko auzitegiko justizia fiskalak zuzenduko du batzorde hori, eta beste lau pertsona laikok osatuko dute: ikerketa polizialarekin, hezkuntzarekin, aisialdiarekin eta Lagungo Fundazioarekin zerikusia dute horiek. Dagoeneko hautatu dituzte lau ordezkariak.
Elizbarrutiaren webgunean, abusuak saihesteko gidaliburua argitaratu zuten aspaldi, eta batzordearen helburua da denborarekin jarraibide horiek "hobetzea". Horregatik, posta elektroniko helbide bat sortuko dute, behar duenak salaketak posta bidez jar dezan, eta hortik aurrera ikerketa abiatu dezaten.
Elizbarrutian lanean dagoen pertsona orori zuzenduta egongo da batzordea, dela elizgizonei, dela langile laikoei. Horrekin lortu nahi dutena da Eliza "toki segurua izatea bertara doazen guztientzat; batik bat, adin txikikoentzat".
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.