Iruñeko Udalaren eraso sexistei buruzko informazio gunea, sanferminetan irekita
Iruñeko Udalak eraso sexistei buruzko informazio puntua martxan jarri du sanferminetan, uztailaren 5etik 14ra. 2014an sortu zuten gunearen helburu nagusiak bi dira, eraso sexisten aurrean sentsibilizazioa bultzatzea eta erasoei aurre egiteko irizpideak ematea.
'Eraso sexistarik gabe, Iruña aske' leloa duen informazio puntuan, feminismo edota genero ikuspegiko arloetan aritutako sei profesionalek eraso sexisten aurkako informazioa emango dute lau hizkuntzatan, euskaraz, gaztelaniaz, ingelesez eta frantsesez.
Informazio gunearen aurkezpenean, ondoko zinegotziek hartu dute parte: Kulturako eta Berdintasuneko Maria Garcia-Barberenak; Herritarren Segurtasuneko Javier Labairuk; Gizarte Zerbitzuetako, Komunitate Garapeneko eta Kiroletako Maria Caballerok; eta Berdintasuneko Cristina Martinez Dawek.
Iaz baino ordu gehiagoz egongo da irekita. Aurten, informazio zerbitzuak uztailaren 5ean 12:00etatik 14:00etara eta 19:00etatik 22:00etara eta, uztailaren 6etik 14ra, 12:00etatik 15:00etara eta 19:00etatik 01:00a arte irekiko dute.
Zerbitzua erabili zuten pertsonen kopuruari dagokionez, 2018an 14.620 pertsona hurbildu ziren informazio puntura eta 25 intzidentziaren berri eman zuten. Aurreko urtean, 2017an, 16.516 pertsona pasatu ziren puntutik eta 40 eraso salatu zituzten; 2016an, berriz, 7.475 pertsona hurbildu eta gertakari egon ziren; eta 2015ean 3.424 pasatu ziren eta 25 intzidentziaren berri eman zuten.
Berdintasunaren aldeko ekitaldiak
Genero berdintasunaren aldeko 5 eta 8 urte arteko umeentzako aldizkaria diseinatu du Udalak lehen aldiz. Bestetik, berdintasun arloko kazetaritza lan onenak nabarmenduko dituzten sariak iragarriko dituzte; horietan parte hartzeko epea uztailaren 22an bukatzen da, 14:00etan. Berdintasunaren aldeko kazetaritzako sarien bigarren edizioa izango da aurtengoa.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.