41 migratzaile daramatzan ontzi bat Lampedusara doa, Salviniren betoa gorabehera
Mediterranea Gobernuz Kanpoko Italiako Erakundearen 'Alex' ontzia Italiako uretan sartu da larunbat honetan, ostegunean erreskatatutako 41 migratzaile daramatzala. Lampedusarako bidean dago, Matteo Salvini Italiano Barne ministroak erreskate-ontziei ezarritako betoa gorabehera.
GKEak salatu duenez, "higieneari eta osasunari dagokienez, egoera jasanezina geneukan ontzian", 41 migratzaileak hartzeko lekurik nahiko ez zutelako. Hori dela eta, hurbilen zuten Lampedusa uhartera doa ontzia.
Italiako portuetan sartzea debekatu die Matteo Salvini Italiako Barne ministroak erreskate-ontziei, legez kanpoko immigrazioa egotzita. Izan ere, Maltara abiatzeko eskatu zion 'Alex' ontziari, baina horrek muzin egin dio eta Italiako uretan sartu da 16:00ak pasata, tokiko orduan. Italiako Armadako hainbat ontzik harrera egin diote, eta Lampedusarako bidean eskolta emango diote.
54 migratzaile erreskatatu zituen joan den ostegunean Mediterranea GKEak, Libia parean. Horietatik 13 ebakuatu zituzten (haurdun zeuden emakumezkoak eta adin txikikoak zirelako), eta gainerakoak ontzian geratu ziren, eguzkipean, 'Alex' belaontziaren kubiertan.
Alessando Metz ontziaren armadoreak Twiterren azaldu duenez, "errazak ez diren erabakiak hartzera behartzen gaitu premiazko egoerak, eta horren erantzukizun hartzera", baimenik gabe Italiako uretan sartzeak ekar ditzakeen arazo legalak aipatuta.
Zure interesekoa izan daiteke
Euskal Herrian Euskarazek CC. OO. sindikatuaren ren mehatxua salatu du eta mobilizatzeko deia egin du
EHEk adierazi du sindikatuak bost konpromiso eskatu dizkiola, bestela bide judiziala abiatuko duela ohartaraziz, eta egoera “onartezina” dela salatu du.
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.