Carola Rackete Sea Watch erakundearen ontziko kapitaina aske utzi dute
Carola Rackete Sea Watch gobernuz kanpoko erakundearen ontziko kapitain alemaniarra aske utzi dute gaur, erakundeak berak jakitera eman duenez. Italian atxilotu zuten, baimenik gabe 40 etorkin Lampedusa uhartera eramatea leporatuta.
31 urteko ekintzailea larunbat goizaldean atxilotu zuten. Baimenik gabe Lampedusan porturatu zen, ekainaren 12an Mediterraneoan erreskatatutako 40 pertsona lehorreratzeko asmoarekin. 17 egun zeramatzaten itsasoan, porturatzeko zain.
Alessandra Vella Agrigentoko epaileak atxiloketa ez luzatzea erabaki du gaur, eta "gerraontzi baten aurkako indarkeria eta erresistentzia" delitua baztertu du. Are gehiago, bere eginbeharra bete zuela, hots, bizitzak salbatu zituela esan du epaileak, hango komunikabideek zabaldu dutenez. Poliziari jaramonik ez egitea eta ontzi militar bat jotzea egotzi zioten.
Ekainaren 12an, 53 migratzaile erreskatatu zituen Libiako kostaldean, eta horietako 13 handik egun gutxira porturatu zituzten, osasun arazoak zituztelako. Gainerakoak, berriz, ontzian geratu ziren, herrialde bakar batek ere ez zituelako hartu nahi.
Ekainaren 26an, Rackete kapitainak Lampedusako uretan sartzea erabaki zuen, Matteo Salvini Italiako Barne ministroak ezarritako debekua urratuta. Alabaina, Poliziak ontzia kostaldera iritsi baino lehen geldiarazi zuen.
Hiru egun geroago, ekainaren 29an, gauez, kapitainak ontzia Lampedusako portuan sartzea lortu zuen, baina porturatzean Poliziaren barku bat arin jo zuen.
Orduan atxilotu zuten. Ontzian giroa jasanezina zela eta lehorreratzea premiazkoa zela azaldu zuen galdeketan, eta Poliziaren ontziarekin nahi gabe egin zuela talka adierazi zuen.
Sea Watch 3 ontziko kapitaina libre utzi dutela jakindakoan, Salvinik gogor kritikatu du epailearen erabakia, eta ekintzaile alemaniarra Italiatik kanporatuko duela ohartarazi du.
"Italiako Justiziarentzat legeak urratzea eta Poliziaren ontzi bat kolpatzea ez da nahikoa espetxera joateko. Ez dago arazorik. Kapitain kriminala bere herrialdera kanporatzeko agindua prest daukat", esan du.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.