Zeuk Esan laguntza zerbitzuak irudia aldatu du adingabeei 'hurbiltzeko'
Zeuk Esan zerbitzuaren, Euskadiko haurrei eta nerabeei laguntzeko telefonoaren —116 111—, irudia eguneratu eta ezagutarazteko kanpaina bat abiatuko du Eusko Jaurlaritzak, Beatriz Artolazabal Enpleguko eta Gizarte Politiketako sailburuak azaldu duenez. Aldaketaren helburua zerbitzua "neska-mutilengana hurbiltzea da, baliabide hori eskura izan dezaten".
Artolazabalek prentsaurrekoa eskaini du Gasteizen Lide Amilibia sailburuordearekin batera. Sailburuaren esanetan, "116 111 zenbakia ez da bakarrik haur edo nerabeen ahultasun- edo babesgabetasun-egoera baten berri emateko; prebentziorako zerbitzua ere bada, isilpekoa eta konfiantzazkoa eta eraginkorra, ume eta nerabeek egoera zailari, arazo txiki edo handi bati aurre egin behar dioten kasuetan"
Artolazabalek azaldu duenez, "psikologiako edo gizarte-hezkuntzako prestakuntza eta esperientzia duen heldu bat egotea telefonoaren beste aldean adingabeekin tratatzeko laguntza bilatzeko beste aukera bat da".
Artolazabal eta Amilibia, prentsaurrekoan. Argazkia: Irekia
Amilibiak eta Artolazabalek gogorarazi dutenez, 116 111 zenbakira egindako deiak doakoak eta anonimoak dira eta fakturan ez dute arrastorik uzten. Telefonoaz gain, zerbitzuari buruzko jakingarriak sare sozialetan, webgunean eta newsletter bidez jakinarazten dituzte.
Ume zein gaztetxoek zerbitzua ezagutu dezaten, Jaurlaritzak promozio kanpaina jarriko du martxan hainbat material (orri-markatzaileak, eranskailuak, giltzatakoak, liburuxkak eta flyer-ak) eskolatan banatuta. Horrez gain, ikus-entzunezko baliabideak dituzten 4.800 pendrive ere bidaliko dizkiete irakasleei. Gainera, Emakundek Jaurlaritzarekin batera egiten duen eskola-agendatan zerbitzuari buruzko orrialde bat txertatu dute.
Modu berean, Zeuk Esan zerbitzuaren irudi berria ETB1eko Goazen! telebista saioan agertuko da, eta telefonoa sartuko dute beren trametako batean.
Iaz 843 kontaktu izan jaso zituzten telefonoan eta, horien ondorioz, 979 kontsulta. Sailburuak esan duenez, 2019ko lehen sei hilabeteetan, 381 kontaktu jaso dira eta, horien ondorioz, 444 kontsulta egin dira.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.