Akordio batekin itxi dute engainuz emakumeen argazkiak lortzeagatik abiatutako auzia
Akordio judizial batekin itxi dute duela bi urte Haritz Varelaren, Sortuko eta Donostiako Piraten militante ohiaren, kontra 10 emakumek aurkeztutako salaketaren harira zabaldutako auzia. Engainua eta boterekeria baliatuta, biluzik argazkiak ateratzea lortu zuen gizonak. Tximeleten Reboluzioa taldea sortu zuten biktimek, eta gaur, gutuna igorri diete komunikabideei (tartean, eitb.eus-i) akordioaren berri emateko eta prozesuaren balorazioa egiteko. Euren ustez, kasuak agerian utzi du beharrezkoa dela eraso sexistez "hausnarketa zabalagoa" egitea.
Agirian diotenez, Varelak egin zuena "aitortu eta berriro gerta ez dadin lanketa profesionala abiatzea" onartu du. Dena dela, ez hurbiltzeko eskatu diote: "Askorentzat zauriak zabalik dirau oraindik, eta badakigun arren ezin zaiola pertsona bati heriotza sozialik opa, oraindik ez gaude prest zurekin parez pare topo egiteko". Hori horrela, "distantzia hori errespetatzea" eskatu diote.
Nabarmendu dutenez, prozesu honetan "kolektiboak" izan dira "sendabidera eraman" dituen bide gehienak, eta horregatik sortu zuten Tximeleten Reboluzioa taldea. Izan ere, ez dute "justizia sistema espainiar eta matxistan sinisten, ezta zigorrean oinarritutariko erreparazioan ere", eta ondorioz, kalte ordainei uko egitea erabaki dutela jakinarazi dute.
Euren kasuaz harago, "botere harremanen, militantzia ereduen, genero sistemaren eta oro har eraso sexual eta sexisten inguruko hausnarketa zabalagoa" egin beharra dagoela uste dute. Azkenik, eskerrak eman dituzte bi urte hauetan jasotako "elkartasun eta berotasunagatik".
Albiste gehiago gizartea
Elko (Nevada), artzain euskaldunen topaleku: "Egun gazte euskaldunik ez dator, Euskadin hobeto bizi dira orain"
Egoera asko aldatu da, eta egun ez dira artzainik geratzen, eta urrezko meatzetatik bizi dira herritarrak. Dena dela, bere euskal nortasuna ez dute galdu, izan ere, AEBko udalerri horretako biztanleen % 4 euskal jatorrikoa da, Elkoko egungo sheriffa bezala.
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Zirkulazio motela euskal errepideetan larunbat honetan, eta auto-ilarak AP-8 eta AP-1 autobideetan
Europako iparraldetik hegoaldera errepidez egiten diren joan-etorrien bolumen handiak auto-ilarak sortu ditu euskal errepide sarean, abuztuko lehen asteburuko trafiko irteera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.
Katherine Bidegaray, Montanako Auzitegi Goreneko epailea, euskal amerikar komunitatearen ordezkari boteretsuenetako bat da egun, AEBn
Behe Nafarroako familia batean sortua, haurtzaroa Ipar Dakotako mugako belardietan egin zuen, gurasoen arrantxoan. Bidegaray oso kritikoa da Trumpekin eta etorkinen deportazioekin. Emakumearen eskubideen alde egiteagatik ere ezaguna da.