Uriarte: 'Espetxean ez badaude, euren inplikazioaren inguruan zalantzak daudelako da'
Hautsak harrotu ditu Bilboko talde bortxaketagatik atxilotutako sei gizonezkoetatik lau aske uzteko erabakiak, eta horren inguruko azalpenak eman ditu gaur Aner Uriarte Bilboko epaile dekanoak. Horren hitzetan, zaintzako epaileak lau gazte horiek espetxeratzeko agindua eman ez bazuen, mutil horiek egitateetan izandako parte-hartzearen inguruan "zalantzak" daudelako da. Kartzelara bidali dituzten bi atxilotuen kasuan, berriz, "identifikazioa argiagoa" izan dela gaineratu du.
Uriartek gogora ekarri du karguekin utzi zituztela aske lau ustezko erasotzaileak, eta "ikerketapean" daudela. Egunero joan behar dute epaitegira sinatzera.
Epaileen erabakiek jasotzen dituzten kritiken inguruan esan du sarri "informaziorik izan gabe" jartzen dela zalantzan magistratuen lana, eta errugabetasun printzipioa aintzat hartu behar dela gogoratu.
Sekretupean jarraitzen du kasuak, eta oraindik ez dute jakitera eman epaileak atxilotuei zein kargu leporatu dizkien. Atxilotu bakoitzak erasoan izan duen inplikazioa banan-banan aztertu behar dela adierazi du Uriartek, eta horrelako erasoek "gizartean alarma" eragiten badute ere, epaileek, ikuspegi judizial batetik, salatutako egitateak "frogatu" egin behar dituztela nabarmendu du. "Arrazoizko zantzuak ezinbestekoak dira", gehitu du.
Ildo berean mintzatu da Garbiñe Biurrun EAEko Justizia Auzitegi Nagusiko magistratua Euskadi Irratian. Horren hitzetan ere, banan-banan aztertu behar da atxilotu bakoitzak egindakoa, eta denak ezin dira "aterki berean" sartu. Epailearen ebazpena ezagutu ondoren erabakia hobeto ulertuko dela zehaztu du.
Biurrunen arabera, egunero epaitegira joan behar izatea "neurri zorrotza" da.
Bilboko Etxebarria parkean bortxatu zuten emakumea, ostegun gauerdian. Eusko Jaurlaritzako Segurtasun Sailak zabaldutako informazioaren arabera, sare sozialen bidez egin zuen hitzordua gizonetako batekin, baina sei agertu ziren hitzordura. Biktima ihes egiten saiatu arren, erasotzaileetako batek harrapatu egin zuen, eta guztiek egin zioten eraso.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.