Euskal kultura nazioartekotzearen garrantzia nabarmendu du Zupiriak Edinburgon
Etxepare Euskal Institutuak antolatutako 'Scotland Goes Basque' programaren ekimenak lehen eskutik ezagutzeko, Edinburgora jo du Bingen Zupiria Eusko Jaurlaritzako Kultura eta Hizkuntza Politikako sailburuak. Eskoziako hiriburuan, euskal kultura nazioartekotzearen garrantzia azpimarratu du.
Asteburuan zehar, Zupiriak euskal sortzaileen parte-hartzeaz gozatzeko aukera izan du, Fringe eta Edinburgh International Book jaialdietan. Horrela babestu nahi izan ditu Eusko Jaurlaritzak Euskaditik joandako artistak.
Sailburuaren hitzetan, euskal kultura nazioartekotuz bi helburu nagusi lor daitezke: "euskal sortzaileei aukera berriak" eskaintzea eta "gure herria eta kultura nazioartean" ezagutzera ematea.
Etxepare Institutuaren programaren bidez, euskal kultura ezagutzeko aukera dute Eskozian urte osoan zehar. Neguan, Euskadin ekoitzitako musika izan zen protagonista; udaberrian, aldiz, zinema.
Zupiriak adierazi duenez, "gero eta gehiago ikusten gaituzte kulturan interesa duen herri bat bezala, eta hori euskal museoei, jaialdiei eta sortzaileei esker da". Hori dela eta, "gure sortzaileei aukerak erraztea" erabaki dute, "beren talentua gure mugetatik haratago eraman dezaten".
Arte eszenikoak eta literatura
Abuztuan, arte eszenikoen eta literaturaren txanda izaten ari da, Edinburgh Festival Fringe eta Edinburgh International Book Festival jaialdien bitartez. Horietan, guztira, 48 euskal sortzailek parte hartuko dute.
Arte eszenikoen mundu mailako topaketarik handiena den Fringe jaialdian, hurrengo dantzariak, musikariak eta konpainiak arituko dira: 2Theatre antzerki konpainia, Tio Teronen Semeak, Krego-Martin Danza, Akira Yoshida, Proyecto Colectivo HQPC eta, azkenik, Atlantik 1050 ikuskizunean parte hartu duten artistak. Halaber, Edinburgh International Book jaialdian, Iban Zaldua, Harkaitz Cano, Miren Agur Meabe, Uxue Alberdi, Bernardo Atxaga, Eider Rodriguez eta Danele Sarriugarte idazleak arituko dira.
Etxepare Euskal Institutuak abian jarritako ekimena oso garrantzitsua dela nabarmendu du Zupiriak. "Etxepareren lanari esker euskal sortzaileek beren talentua mundu osoko hainbat herrialdetara eraman dute azken urteetan", esan du.
Herrialde bat lehenetsi eta euskal kulturaren nazioarteko erakusleiho nagusi bilakatzea da Institutuaren erronka berria.
Eskozia izan da lehen geldialdia, Euskadi-Basque Country estrategian lehenetsitako lurralde bat delako eta, udako jaialdiak direla eta, herrialde horretan kulturak pisu handia duelako.
Hurrengoa Kanada izango dela iragarri du sailburuak. "Erabaki zuzena izan dela ikusten ari gara, eta datorren urtean bide honi jarraipena emango diogu, Quebecen", azaldu du.
Zure interesekoa izan daiteke
Bost urte dira COVID-19aren aurkako lehen txertoak jarri zituztenetik
Bizkaian txertoa jaso zuen lehen emakumea eta txertoa jarri zion erizaina elkartu ditu EITBk, bosgarren urteurrenean. Ikusmina, beldurra, itxaropena eta mesfidantza agerikoak ziren orduan, bizitzen ari ginenarekin zerbait historikoa baitzen. Txertoak iritsita, egoera hobetzen joan zen. Une haiek gogoratu dituzte Begoñak, Itxasok eta Jorgek.
Animaliarik gabeko azoka egin dute Elgoibarren, dermatosi nodularraren ondoriozko debekua berriro ezarri ondoren
Dermatosi nodularrak kezka sortzen jarraitzen du lehen sektorean. Euskal Herrian ez da oraingoz kasurik atzeman, baina Frantzian kasuak ugaritzen ari direla eta, prebentzio modura, ferietan abereak azaltzea debekatu dute berriro. Eta neurri hori betetzen lehen azoka, Elgoibarko Gabon Zaharrekoa izan da.
Espetxeratu egin dute Azkoitian Gabon gauean sexu-erasoa egiten saiatzeagatik atxilotutako gizona
Guardiako epailearen aurrean deklaratu ondoren, epaileak badaezpada espetxeratzeko agindu zuen, sexu-eraso saiakera egotzita.
Idurre Eskisabel: “Euskarak larrialdi linguistikoan jarraituko du ezer egiten ez bada, baina badu irtenbidea”
Euskarak gaur egun bizi duen larrialdi linguistikoa gorabehera, Idurre Eskisabel Euskalgintzaren Kontseiluko idazkari nagusiak azpimarratu du egoerak irtenbidea duela. Euskararekiko atxikimendu soziala funtsezko faktorea dela nabarmendu du, baina norbanakoaren konpromisoa ezinbestekoa den arren, berez ez dela nahikoa eta erantzun estruktural eta politika publiko sendoak behar direla azpimarratu du.
Coruñako aireportua zabaldu dute, pistan basurde bat ikusi ostean hainbat orduz itxita egon eta gero
Madrildik eta Milandik abiatu eta Galiziako aireportuan lur hartu behar zuten bi hegaldi beste aireportu batzuetara bideratu dituzte, eta beste bi aireratzeko baimena noiz emango zain geratu dira.
Behe-lainoak zaildu egin du aireko trafikoa Loiun, eta sei hegaldi desbideratu dituzte
Bost hegaldi Santanderrera desbideratu dituzte, Loiu-Barajas konexio bat bertan behera geratu da, eta atzerapenak izan dira beste hiru hegalditan.
Arrasaten erositako txartel bati egokitu zaio Euromillonesen 54 milioi euroko saria
Txartela Arrasateko 66455 loteria administrazioko bulegoan saldu zuten, Musakola auzoko Eroski merkataritza zentroan.
Idurre Eskisabel: "Euskararen pizkundearen lehen txinparta izango da hau"
Euskalgintzaren Kontseiluak deialdia egin du larunbat honetan Bilbao Arena betetzeko. Hitzorduaren helburua da euskal hiztun guztiak mobilizatzea, Idurre Eskisabel idazkari nagusiaren arabera, euskararen "pizkunde" berri baten aldeko "txinparta pizteko", aldarrikapena eta euskal kultura uztartuz, "kulturgileak funtsezkoak baitira hizkuntza batek zentzua eta etorkizuna izan dezan".
Gizon bat atxilotu dute Gasteizen bikotekidea arrastaka eramateagatik
Gertakariak ostegunean izan ziren, eta genero-indarkeriaren eremuan lesio-delitu bat leporatu diote.
Azkoitiak "irmoki gaitzetsi" du emakume bati egindako sexu-eraso saiakera
Udalean ordezkaritza duten alderdi guztiekbere gaitzespen irmoa adierazi dute eta indarkeria matxista "aitzakiarik gabe desagerrarazi behar den gaitza" dela azpimarratu dute. Arratsaldean, dozenaka pertsonak elkarretaratzea egin dute herriko plazan.