Bilboko Udala: 'C. Tanganaren letrek emakumeak iraintzen dituzte'
Bilboko Udalak C. Tangana rap abeslariak Aste Nagusian eman behar zuen kontzertua bertan behera uzteko arrazoiak azaldu ditu astearte honetan. Udalaren ustez, horren abestien letra matxistek "emakumeak iraintzen dituzte", eta Udalak "ezin du hori onartu".
"Erabaki zaila" eta "gogoeta handi baten ondorioz hartutako erabakia" izan dela esan du Itziar Urtasun Lankidetza, Bizikidetza eta Jaietako zinegotziak.
Horren harira, Udala "dudarik gabe" adierazpen askatasunaren alde dagoela esan du Urtasunek. "Bilbon guztion iritziak eta gustuak errespetatzen saiatzen gara, nola ez ba!", gaineratu du.
Kontzertua bertan behera utzi arren, "Udalak ez dio betorik jarri" C. Tanganari, "nahi duen tokian" abestu baitezake, baina Bilboko jaietan kontratatzea "ez dela egokia uste dugu".
Zinegotziaren arabera, ez dakite oraingoz C. Tanganaren agenteak demanda jarriko ote dion Udalari kontzertua bertan behera uzteagatik.
C. Tanganak Bilboko jaietan jo behar zuela eta, Udalari kontzertua bertan behera uzteko eskatuz sinadura bilketa abiatu zuten change.org plataforman. 24 orduko epean, 10.000 sinadura bildu zituen eskaerak. EH Bildu eta Elkarrekin Podemos ere emanaldia ez egiten alde agertu ziren.
Dena dela, adierazpen askatasuna argudiatuta, betorik ez ezartzeko deia egin dute azken orduetan euskal kulturaren hainbat ahotsek, Fermin Muguruza musikariak edota Igor Elortza bertsolariak, besteak beste.
Pedro Capok ordezkatuko du
C. Tanganaren kontzertua abuztuaren 24rako zegoen aurreikusita, Europa Parkeko agertokian. Azkenean, baina, Pedro Capo igoko da egun horretan oholtza gainera.
Pedro Capo Puerto Ricoko musikari, abeslari eta konpositorea Bobby Capo ezagunaren, "Piel Canela" abesti ospetsuaren sortzailearen, iloba da.
Capok Marka Registrada taldean abiatu zuen bere ibilbide artistikoa. Ordutik hainbat pelikula eta musikaletan hartu du parte. 2018an bakarkako ibilbideari ekin zion, eta "Calma" abestia kaleratu zuen. Kanta ezaguna egin da aurten Alicia Keysekin eta Farrukorekin batera egindako moldaketa bati esker.
Zure interesekoa izan daiteke
220 ibilgailu eta 384 langile prest daude Nafarroan, neguak errepideetan sor ditzakeen arazoei aurre egiteko
'Neguak ez zaitzala errepidean ustekabean harrapatu' goiburupean, kanpaina abiarazi du Foru Gobernuak, herritarrek ibilgailuak prest izan ditzaten.
Jorge Bermudez: “Adingabeen delituzko portaeraren ondoriozko neurriak gurasoen gain erori daitezke”
Jorge Bermudez Gipuzkoako Fiskaltzako bozeramaileak jakinarazi duenez, 14 urtetik beherakoek adin nagusikoentzat delitutzat hartuko liratekeen egintzak egitea gurasoen zaintza- eta heziketa-eginkizun desegokiaren ondorio izan daiteke. Hori dela eta, halakoetan, izaera zibileko edo administrazioko neurriak har daitezkeela iragarri du, familiei zuzenduta.
Oteizako azpiestazioaren atzean "espekulazio energetikoa" dagoela salatu dute
Tierra Estella No se Vende herri plataformak ziurtatu du azpiegiturak ez diela erantzuten "eskualdeko energia beharrei", eta 66 kVtik 220 kVra jauzi egiteko ze arrazoi dauden justifikatzea eskatu du.
Amaya Zabarteren senarrak uste du Zupiriak ez duela auziari buruz "ezer argitara emango"
Bestalde, jakinarazi du Reala-PSG partidaren atarian Ertzaintzak egindako kargekin lotuta, hirugarren salaketa bat aurkeztuko duela beste pertsona batek.
Euskararen aitortza eta baliabideak eskatu dituzte Baionako Euskal Museoaren aurrean
Baionako Museoan ikusgai den Bernat Etxepareren "Linguae Vasconum primitiae" euskaraz inprimatutako lehen liburua, Parisera itzuliko dute bi hilabete pasatuta. Bere lekua hemen dagoela aldarrikatzearekin batera, euskararentzat aitortza eta baliabideak eskatu dituzte gaur Euskalgintzaren Kontseiluak eta Euskal Konfederazioak. Halaber, abenduaren 27an Bilbon izango den euskararen aldeko ekitaldian parte hartzeko deia egin dute.
Terapiako txakurrek "segurtasuna eta konfiantza" ematen diete sexu-abusuak jasan dituzten adingabeei
Hamar urte dira Bizkaian sexu-abusuen biktima izan diren adingabeek txakurrekin terapia egiteko aukera daukatela. Urtetik urtera, gainera, emaitza hobeak ematen dituela diote adituek. Hala, Euskadin lehen aldiz, epaile batek baimendu du biktima adingabe batek txakur horietako bat alboan zuela deklaratu ahal izatea.
Gizon bat atxilotu dute Angelun bikotekide ohia hiltzen saiatzeagatik
Atxilotuak igandean harrapatu zituen bere ibilgailuarekin emakumea eta haren anaia. Biktimak Baionako ospitalera eraman zituzten.
Ertzaintzak protokoloa bete zuen ikertzeko eskatu du Xuhar Pazosen defentsak
Halaber, lekuko gehiago deitzea galdegin du defentsak, 2024ko otsailean Tolosan izandako gertakarietan gertatutakoa behar bezala argitu dadin.
Plentzian jazarpena salatu duen irakaslearen kasua dela eta, protokoloak aktibatu berri ditu Hezkuntza Sailak
Eusko Jaurlaritzako Hezkuntza Politiketako sailburuordeak adierazi duenez, orain arte ikastetxeak berak kudeatu ditu irakasleak aurreko urteetan ere salatutako jazarpen egoerak. Azken gertakarietan ustez inplikatuta dauden ikasleak 12 eta 13 urte bitartekoak direla baieztatu du, eta, beraz, hartu beharreko neurriek "heziketa mailakoak" izan behar dutela. EH Bilduk azalpenak eskatuko dizkio Hezkuntza Sailari, "hartu beharreko mekanismoek" huts egin ote duten jakiteko.
Gidari bat hil da N-104 errepidean, Gasteizen, bi ibilgailuk aurrez aurre talka eginda
Eguna bereziki zaila izaten ari da EAEko errepideetan, euria eta hainbat lekutan izandako istripuak direla eta.