Bi atxilotu Bilbon, kaleko salmenta erretiratzean udaltzainei aurre egiteagatik
Bi gizon atxilotu dituzte bart Bilbon, udaltzainak Areatzako zubian zeuden kaleko saltzaileak uxatzera hurbildu direnean sortutako istiluengatik. Udalak jakitera eman duenez, udaltzainek Aste Nagusiko jai-eremuan zeuden kale-saltzaileei materiala kentzen hasi zirenean, inguruan zeuden gazte batzuek agenteei aurre egin zieten. Ondorioz, udaltzain bat artatu behar izan zuten medikuek.
23:10 aldera jazo zen istilua, Bilboko udaltzainak Areatzako zubiko kale-saltzaileak erretiratzen saiatu zirenean. Ordu horretan, jai-eremua jendez lepo zegoen, eta zubia libre uzteko asmoa zuten udaltzainek.
Alabaina, inguruan zeuden gazte batzuek "oso bortizki" egin zieten aurre udaltzainei, Udalak azaldu duenez. Arrazoi horregatik, Ertzaintzaren laguntza eskatu zuten, eta Plaza Biribilerantz atzera egiten hasi ziren. Dena dela, istiluak sortu zituzten gazteak haien atzetik joan ziren, berbena bat zegoen plazara iritsi ziren arte.
Ertzaintzaren furgoneta batzuk lekura iritsi zirenean, Plaza Biribilean zeuden herritar asko korrika egiten hasi ziren, bertatik alde egin nahian. Ondorioz, tentsio uneak bizi izan ziren Aste Nagusiko jai-eremuan.
Une horretan, Udaltzaingoak eta Ertzaintzak ingurua hesitu zuten, egoera bere onera itzuli zen arte.
Dena dela, poliziei eraso egin zieten bi gizon menderatu eta atxilotu zituzten, agintearen aurkako atentatua leporatuta. Horietako bat, adin txikikoa, gurasoen esku utzi zuten; bigarrenak, berriz, Udaltzaingoaren egoitzan igaro du gaua.
Udalak eitb.eus-i baieztatu dionez, Aste Nagusian arratsaldero egiten duten ohiko esku-hartzea izan zen atzokoa, Areatzako zubitik pertsonen joan-etorria errazteko asmoz.
Albiste gehiago gizartea
Bilboko Konpatsek eraso sexisten aurkako elkarretaratzea egin dute
Arriaga Antzokiaren aurrean egindako elkarretaratze jendetsu batean, Bilboko Konpartsek azken egunetan izandako eraso sexisten aurka egin dute. Aste Nagusiaz gozatzeko gonbitea luzatu diete herritarrei, baina erasotzaileei etxean geratzeko eskatu diete.
Antonio Aretxabala, geologoa: "Mendia ustiatzen duen jendeak zaindu behar du"
Antonio Aretxabala geologoak adierazi du bereizi egin behar direla basoa ekosistema gisa eta mendia industria-ustiapen gisa, hortxe baitago arriskua. Ohartarazi du hurrengo uholdeak okerragoak izango direla inguruan, lurra higatuta dagoelako. Ohartarazi du, gainera, norbaitek baso-sute batetik onura ateratzea arriskutsua dela.
Txupinerek ere egun handia dute Aste Nagusian!
Bilboko Aste Nagusiko txupinerak gaur eguerdian bildu dira, urtero bezala, Areatzako ohiko ongietorria egiteko. Guztiek txupinak bota dituzte berriro, euren uniformea jantzita, Malu Crespok duela 40 urte jantzi zuen jaka gorri tipikoarekin.
Gizon bat atxilotu dute Gasteizen, bikotekidea etxeko hozkailuaren kontra bultzatu eta mugikorra botatzeagatik
Eraso matxista asteazken arratsaldean jazo zen, Pilar auzoko etxe batean. Emakumeak hematoma bat zuen aurpegian.
Carlos Uriagereka (Bizkaiko Baso Zerbitzua): “Suteen mehatxupean zegoen herri bat salbatzeko aukera izan dugu”
Bizkaitar profesional ugari izan dira Leongo Casasuertes herrian, astelehenetik Gaztela eta Leonen penintsulako ipar-mendebaldea kiskaltzen duten suteak itzaltzen laguntzen. Carlos Uriagereka, Bizkaiko Aldundiko Baso Zerbitzuaren buruak adierazi du gogorra izan dela, baina pozik itzuli direla Euskal Herrira, lortu dutelako suebakiak eginez sutea kontrolatu eta bizilagunak etxera itzultzea.
Rozalen musikariak liluratu egin ditu Bilbon bildutako zaleak
Albaceteko artistak kontzertua egin du, bart, Europa Parkeko eszenatokian.
Gizon bat ikerketapean, autoa mozkor eta gidabaimenik gabe gidatzeagatik, bi bidaiari gorputza sabaitik ateratzen ari zirela, Iruñean
23 urteko gidaria bide-segurtasunaren aurkako delitu batengatik ikertu dute. Autoan zihoazen bi bidaiariak ere salatu dituzte, segurtasun-uhalik gabe zihoazelako, mugikorrarekin grabatzen.
Baso-suteek 350.000 hektarea baino gehiago erre dituzte abuztua hasi denetik, Espainian
Oraindik, hogei bat su daude aktibo Gaztela eta Leonen, Galizian eta Extremaduran, eta haizea sua itzaltzeko lanak zailtzen ari da hainbat tokitan. Bien bitartean, azken orduetan Leongo iparraldean botatako euriak garrak kontrolatzen lagundu du Europako mendien inguruan. Bestalde, EAEtik sua itzaltzera joandako suhiltzaileek etxerako bidea hartu dute.
11 pertsona atxilotu dituzte Bilboko Aste Nagusiko bosgarren gauean; batek osasun-langileei eraso egin die
Atxiloketa gehienak indarkeriaz egindako ebasketekin eta lapurretekin lotuta daude. Dena dela, beste delitu batzuk ere jazo dira, eta gizon bat ere atxilotu dute emakume bati ukituak egitea leporatuta.
Hona hemen Faltzesko Piloneko bosgarren entzierroko irudiak
Faltzesko Piloneko bosgarren entzierroak minutu bat eta 11 segundo iraun du, orain arteko bigarren entzierro luzeena izan da eta Eulogio Mateo de Carcarren zezenak izan dira protagonista. Hainbat eroriko eta estropezu izan dira ibilbidean zehar.